Kryetarja e Komisionit Qendror të Zgjedhjeve (KQZ), Valdete Daka, ka bërë me dije se zgjedhjet në veri do të organizohen sipas ligjit dhe Kushtetutës, sikurse në pjesët e tjera të Republikës së Kosovës
“Organizimi i zgjedhjeve në veri normalisht do të jetë sfidë për shkak të specifikave që i ka pjesa veriore e Kosovës, por me ndihmën e partnerëve tanë besoj se zgjedhjet do të organizohen ashtu siç parashihet me Kushtetutë dhe me ligj. Prandaj, ashtu siç organizohen zgjedhjet në pjesën tjetër të Kosovës, do të organizohen edhe në veri me planin operativ për zgjedhje dhe sipas ligjit e Kushtetutës”, ka thënë Daka në një bisedë për “Epokën e re”.
Ajo ka deklaruar se nuk dihet nëse zgjedhjet në veri do të mund të mbahen në të njëjtën kohë me zgjedhjet në komunat e tjera sepse, sipas saj, kjo çështje do të varet nga marrëveshja që do të arrihet me Serbinë në kuadër të dialogut.
“Kosova është një zonë zgjedhore dhe zgjedhjet shpallen për tërë territorin e Republikës së Kosovës, por për çështjen e veriut s’mund të dimë pa arritjen e marrëveshjes me Serbinë në kuadër të dialogut. Nuk mund të flas për këtë çështje sepse kjo më shumë është çështje politike, e cila pritet të zgjidhet në kuadër të dialogut që është duke u zhvilluar ndërmjet kryeministrit të Kosovës, Hashim Thaçi dhe atij të Serbisë, Ivica Dacic”, ka thënë Daka.
Kryetarja e KQZ-së ka thënë se nuk do të ketë ndonjë ndryshim sa iu përket procedurave të votimit në veri. Në këtë kontekst, ka thënë se edhe në zgjedhjet në komunat veriore do të votohet njëjtë sikurse në komunat e pjesëve të tjera të Republikës së Kosovës.
“Qysh do të votojnë qytetarët e komunave të tjera të Kosovës, do të votojnë edhe qytetarët në komunat në veri të vendit”, ka theksuar Daka.
Ajo ka bërë me dije se Komisioni Qendror i Zgjedhjeve shumë shpejt do t’i fillojë përgatitjet e nevojshme për organizmin e zgjedhjeve lokale, për të cilat ka filluar konsultat presidentja Atifete Jahjaga me përfaqësuesit e subjekteve politike.
“Prandaj, në çastin që të shpallet data për mbajtjen e zgjedhjeve, KQZ-ja do të jetë e gatshme për organizimin e këtyre zgjedhjeve. Ne e kemi ditur se ky është vit zgjedhor, pasi me kalendar ka qenë e paraparë mbajtja e zgjedhjeve lokale. Kështu që, besoj se KQZ-ja do të arrijë t’i organizojë këto zgjedhje ashtu siç parashihet me ligjin mbi zgjedhjet. Në këtë kontekst, shumë shpejt do të fillojmë t’i bëjmë përgatitjet e nevojshme për organizimin teknik të këtyre zgjedhjeve”, ka deklaruar Daka.
Kryetarja e Komisionit Qendror të Zgjedhjeve (KQZ) të martën u ka bërë thirrje partive politike të vetëdijesohen në mënyrë që procesi i ardhshëm zgjedhor të jetë i rregullt dhe të mos ketë manipulim të votave. /Telegrafi/
Lufta Prigozhin - Putin
Më shumëNga Rubrika
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ish-Avokati i Popullit për rastin e dyshuar të ngacmimit seksual në UP: Nuk u trajtua si duhet nga aspekti ligjor
Votat për Kodin Civil: Haxhiu thotë se iu duhet edhe ca kohë – PDK pa vendim, LDK e konsideron punë të qeverisë
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjatë një operacioni policor në Prishtinë e Gjilan, gjenden dy bunkerë dhe armë zjarri
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Ekspertja e Këshillit të Evropës kritikon Komisionin parlamentar lidhur me Projektligjin për KPM-në
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre