Çfarë janë raketat SCALP që Parisi i dorëzoi Kievit?

Revista L’Obs raportoi se presidenti francez Emmanuel Macron njoftoi në samitin e NATO-s, se Franca do të furnizojë Kievin me raketa të reja me rreze të gjatë veprimi të tipit SCALP, të cilat do t’i mundësojnë Ukrainës të kryejë sulme në një distancë relativisht të gjatë. Kjo tërboi Kremlinin, i cili premtoi “kundërmasa”.

“Mendoj se është e rëndësishme që ne sot të dërgojmë një mesazh mbështetjeje për Ukrainën dhe unitetin e NATO-s”, tha Macron pas mbërritjes në samitin e NATO-s në Vilnius, Lituani, transmeton Telegrafi.

Një burim ushtarak francez raportoi gjithashtu se seria e parë e raketave ka mbërritur tashmë në Ukrainë.

Lexo po ashtu Zelensky: Është e kuptueshme që Ukraina nuk mund të jetë anëtare e NATO-s derisa lufta po vazhdon

Kjo raketë, e zhvilluar bashkërisht nga Britania dhe Franca, lëshohet nga një aeroplan luftarak. Ajo ka një rreze prej më shumë se 250 kilometra, që është më shumë se çdo armë tjetër e dorëzuar në Kiev nga vendet perëndimore deri më tani.

Kjo i jep Ukrainës mundësinë për të arritur në zonat në lindje të vendit që tani janë nën kontrollin rus.

Parisi nuk ka dhënë asnjë detaj për numrin e raketave që ka dorëzuar tashmë ose do të dorëzojë, por rezerva e tyre vlerësohet në “më pak se 400”, shkruan revista Defense and International Security.

Lexo po ashtu Ia mësynë qytezës në lindje, tanku dhe ushtarët rusë ndalen në gjysmë të rrugës – goditen nga artileria e rojeve kufitare të Ukrainës

Burimi i lartpërmendur ushtarak francez tha se “numri i dorëzuar në Ukrainë është shumë i rëndësishëm, por ai do t’i mbajë furnizimet franceze shumë mbi kapacitetin që i nevojitet”.

Kjo dërgesë plotëson tre kriteret që Franca përcaktoi për furnizimin me armë në Kiev: të jetë “i dobishëm në luftën” e ukrainasve, “mospërshkallëzues” në raport me Rusinë dhe “të mos dobësojë aftësinë e Francës për t’u mbrojtur”.

Me këto raketa, forcat ukrainase mund të prishin logjistikën, komandën dhe kontrollin rus dhe “disa aeroplanë luftarakë mund të bëjnë ndryshimin”, tha Dylan Lehrke, analist në një firmë private të inteligjencës britanike.

Lexo po ashtu Stoltenberg, Zelenskyt: Jemi dakorduar për pakon trepjesëshe që e afron Ukrainën me NATO-n

Ai thotë se me këto raketa, selia e flotës ruse të Detit të Zi në Sevastopol të Krimesë, tani është brenda rrezes së zjarrit ukrainas, si dhe shumë qytete ruse pranë kufirit.

Presidenti francez sqaroi se edhe nëse vendi i tij thyen tabunë për raketat me rreze të gjatë të dorëzuara në Kiev, raketat SCALP do të dorëzohen për të lejuar Ukrainën të mbrojë territorin e saj, duke përjashtuar kështu në mënyrë implicite çdo përdorim të këtyre raketave për të sulmuar Rusinë, theksoi ai. /Telegrafi/