BDI: Dënojmë ashpër shpifjet e disa mediumeve

BDI përmes një reagimi dërguar edhe Telegrafit në Maqedoni, ka dënuar ashpër, siç thonë ata ”shpifjet tendencioze të njëpasnjëshme që po botohen nga media të caktuara pa asnjë përgjegjësi ndaj të vërtetës dhe pa asnjë respekt për publikun”

“Agjenda e kryetarit Ahmeti për ditën e djeshme ishte e përqëndruar në Tetovë dhe në tubimin e madh me qytetarët e Çairit në Shkup, ndërsa nuk ishte e paraparë asnjë vizitë në Komunën e Likovës e as fshatin Opajë. Disa media janë vënë në shërbim të tërësishëm të shpërndarjes së gënjeshtrave dhe nxitjes së dhunës zgjedhore duke bërë edhe thirrje për organizime të dhunshme ndaj partisë më të madhe shqiptare dhe liderit të shqiptarëve, Ali Ahmeti. Përkrahja masovike e shqiptarëve për Ali Ahmetin dhe BDI-në që nga Struga gjer në Kumanovë e Likovë sa vjen e rritet pas secilës shpifje të botuar dhe pas secilit gurrë të gjuajtur për arsye se qytetarët tek Ali Ahmeti gjejnë paqën, sigurinë, stabilitetin përkundër ofertës suaj të dhunës, intrigës dhe shpifjeve” thonë nga BDI./Telegrafi/