Barcelona kërkon që El Clasico të riluhet, kërkesë jo e rrallë për këtë edicion – pasi një tjetër derbi në Evropë ishte të njëjtës rrugë

Joan Laporta e kishte të qartëpas ndeshjes së të dielës në ‘Santiago Bernabeu’, se Barça duhej të bënte disa lëvizje për të denoncuar golin që nuk iu dhurua Lamine Yamal në pjesën e parë të El Clasicos.

Presidenti i klubit mbërriti të hënën me idenë për të vënë në dukje publikisht gabimin e gjyqtarit dhe për të treguar indinjatën e një klubi që e konsideron veten të dëmtuar jo vetëm nga ndarja e drejtësisë kundër Real Madridit, por nga vendimet e marra nga gjyqtarët gjatë tërë kampionatit.

Por si vendosën blaugranasit që të veprojnë në këtë rast? Laporta donte ta bënte këtë kërkesë, i inkurajuar edhe nga njerëzit që i besonte më së shumti. Të udhëhequr nga Pere Lluís Mellado, kreu i departamentit ligjor të klubit, u vendos që të denoncoheshin publikisht ngjarjet dhe të hartohej një strategji për të vepruar dhe ndërmarrë veprime të ndryshme.

E para, të kërkojnë nga Komiteti Teknik i Gjyqtarëve imazhet dhe audiot e aksionit të  golit që nuk i është dhënë Lamine Yamal. Në rastin e dytë, nëse në një imazh tregohej se topi ka hyrë plotësisht në portë, klubi do të kërkonte të përsëritej ndeshja.

Lexo po ashtu Laporta kërkon zyrtarisht që El Clasico të riluhet - publikon detajet

Siç ka mësuar ‘Qu`t’hi Jugues’, as Komiteti Teknik i Gjyqtarëve e as Federata Spanjolle e Futbollit nuk do të marrin pjesë në kërkesën e Barçës, e cila duhet të shkojë në selinë e Komitetit nëse dëshiron të ketë akses tek videot.

Barça e ka mbështetur kërkesën e saj mbi një precedent që kishte ndodhur në ligën belge gjatë këtij sezoni.

Lexo po ashtu Zyrtare: Derbi i famshëm në Belgjikë do të riluhet, shkak gabimet e VAR gjatë ndeshjes

Në derbin e zhvilluar mes Anderlechtit dhe Genkut që përfundoi me rezultat 2-1 për vendasit, u ngrit një dilemë e madhe për shkak të një goli që u anulua gabimisht dhe nuk u korrigjua për ekipin mysafir.

Genku kërkoi që ndeshja të riluhej dhe Këshilli Disiplinor i Federatës Belge ra dakord. Një muaj më vonë, Gjykata Belge e Arbitrazhit Sportiv pranoi ankesën e Anderlechtit dhe e anuloi vendimin.

Në fund, fitorja i takoi Anderlechtit dhe ndeshja nuk u ripërsërit. Sidoqoftë, pavarësisht vendimit të gjykatës belge, Barça do t’i vlerësojë të gjitha opsionet dhe do të shfrytëzojë të gjitha rrugët ligjore./Telegrafi/