Avokatët e Messit i përgjigjen sot La Ligës në lidhje me klauzolën e lojtarit

Avokatët e sulmuesit Lionel Messi thuhet se do t’i përgjigjen sot (e premte) La Ligas, e cila mbështeti Barcelonën duke pretenduar se klauzola e lirimit prej 700 milionë euro është ende e vlefshme.

Messi ka dorëzuar një kërkesë transferimi këtë verë dhe beson se ai tani është një ish-lojtar i Barcelonës, pasi ka një klauzolë në kontratë që e lejon atë të largohet falas një vit para se të skadojë.

Megjithatë, Blaugranët këmbëngulin se kontrata është ende e vlefshme dhe përfshin një klauzolë lirimi prej 700 milionë euro.

Lexo po ashtu Messi konsideron tërheqjen nga futbolli pas largimit nga Barcelona

Ekipi nga Camp Nou kanë marrë mbështetje edhe nga La Liga në lidhje me qëndrimin e klauzolës së lojtarit, por kjo nuk i ka pëlqyer përfaqësuesve ligjor të Messit.

https://twitter.com/HagridFCB/status/1301827010289901572

Sipas gazetës Marca, Messi do të njoftojë të ardhmen e tij në ditët në vijim dhe gazetari Marcelo Bechler raporton se avokatët e sulmuesit po përgatisin një përgjigje zyrtare ndaj dokumentit të La Ligas që i dha arsye klubit Blaugrana.

Dy ditët e fundit është përfolur edhe për një ‘driblim’ të Messit, i cili thuhet se mund të mbetet edhe më tej në Camp Nou. /Telegrafi/