LAJMI I FUNDIT:

Atentati ndaj kryeministrit sllovak – njerëzit po e krahasojnë me vrasjen që shkaktoi fillimin e Luftës së Parë Botërore

Atentati ndaj kryeministrit sllovak – njerëzit po e krahasojnë me vrasjen që shkaktoi fillimin e Luftës së Parë Botërore

Një atentat kundër kryeministrit sllovak Robert Fico ka shkaktuar tronditje në një vend ku një dhunë e tillë është ‘e paprecedentë’.

Politikanët e Evropës Qendrore dhe Lindore shpesh udhëtojnë “me pak siguri” që i ndan nga anëtarët e publikut të gjerë.

Por njerëzit kanë frikë se një siguri e tillë e dobët ka çuar në “momentin e Franz Ferdinandit” të Sllovakisë, duke na çuar një hap më pranë kërcënimit të afërt të Luftës së Tretë Botërore, shkruajnë mediat e huaja, përcjell Telegrafi.


Atentati ndaj kryeministrit sllovak – momenti kur ai i plagosur futet në makinë dhe i arrestimit të të dyshuarit
Lexo po ashtu Atentati ndaj kryeministrit sllovak – momenti kur ai i plagosur futet në makinë dhe i arrestimit të të dyshuarit

Rrjetet sociale tashmë janë plot me komente të njerëzve që e krahasojnë vrasjen e politikanit pro-Putin me vrasjen e Franz Ferdinand, trashëgimtarit të fronit austro-hungarez, që shkaktoi shpërthimin e Luftës së Parë Botërore saktësisht një muaj më vonë.

Njëri pyeti: “A ka ndokush tjetër që po sheh klimën si në kohën e Franz Ferdinand këtu?”.

Një tjetër, spekuloi se ata mund të jenë ‘të habitur kur e gjejnë veten duke luftuar në llogore pas një viti’ nëse ne ‘injorojmë këto lajme’.

Ashtu si të gjithë në Sllovaki, një vend me më pak se 6 milionë banorë, Darina Malova, një profesoreshë në Universitetin Comenius në Bratislavë, ishte ‘sinqerisht e tronditur’ nga të shtënat ndaj Ficos.

Por nuk është hera e parë në tre dekada që nga rënia e komunizmit që Sllovakia është tronditur nga dhuna politike.

Kush është Robert Fico dhe cilat janë pikëpamjet e tij politike?

Tani në mandatin e tij të tretë si kryeministër, politikani populist ka qenë gjithmonë përçarës me lidhjet e tij me korrupsionin, kundërshtimin ndaj të drejtave të LGBTQ+ dhe mbështetjen për Vladimir Putin.

Fillimisht anëtar i Partisë Komuniste, Robert Fico ka qenë deputet që nga vitet 1990 dhe një figurë dominuese në politikë për 20 vjet.

Një ‘avokat i talentuar’, ai ishte një ‘i ri, gjysmë reformator’ përpara se Revolucioni Kadife në Sllovaki të rrëzonte regjimin në vitin 1989, sipas Kevin Deegan-Krause, një profesor në Universitetin Shtetëror Wayne.

Një vendas 71-vjeçar qëlloi disa të shtëna duke goditur Ficon, pasi thirri ‘Robo, hajde këtu’, ndërkohë që politikani fliste me njerëzit.

Një i moshuar që ishte dëshmitar i të shtënave tha: “Sapo do t’i shtrëngoja dorën”.

Publikohen pamjet e momentit të atentatit ndaj kryeministrit sllovak
Lexo po ashtu Publikohen pamjet e momentit të atentatit ndaj kryeministrit sllovak

I dyshuari u kap dhe u shtri përtokë dhe rojet e sigurisë u panë duke e futur kryeministrin e plagosur në një makinë që e largoi atë nga vendi i ngjarjes.

Më pas ai u transportua me helikopter në spitalin e Banska Bystrica me lëndime potencialisht të rrezikshme për jetën.

Një zëdhënës tha: “Orët e ardhshme do të vendosin”.

Kjo nuk është hera e parë që Fico përballet me kërcënime me dhunë.

Juraj Krajčík, 19-vjeçari që vrau dy persona LGBT+ në vitin 2022, e emëroi Fico-n në një listë objektivash në manifestin e tij. /Telegrafi/

Në trend Botë

Më shumë
Aleksadanr Vuçiq po frikësohet, angazhon traktorët për ta mbrojtur presidencën nga protestuesit

Aleksadanr Vuçiq po frikësohet, angazhon traktorët për ta mbrojtur presidencën nga protestuesit

Serbia
Çfarë duhet të dini për protestat e mëdha të sotme në Beograd dhe pse Vuçiq pretendon se do të ndodhë luftë civile

Çfarë duhet të dini për protestat e mëdha të sotme në Beograd dhe pse Vuçiq pretendon se do të ndodhë luftë civile

Serbia
Trump: Isha pak sarkastik kur thashë se paqja mund të arrihet për 24 orë në Ukrainë

Trump: Isha pak sarkastik kur thashë se paqja mund të arrihet për 24 orë në Ukrainë

Amerika
Trump me urdhër të ri ekzekutiv - pritet të preket Zëri i Amerikës dhe Radio Evropa e Lirë

Trump me urdhër të ri ekzekutiv - pritet të preket Zëri i Amerikës dhe Radio Evropa e Lirë

Evropa
SHBA dëbon ambasadorin e Afrikës së Jugut për komentet ndaj Trumpit

SHBA dëbon ambasadorin e Afrikës së Jugut për komentet ndaj Trumpit

Amerika
Analisti serb, Janjiq: Vuçiq mund ta përdorë kundër protestuesve grupin e Radoiçiqit

Analisti serb, Janjiq: Vuçiq mund ta përdorë kundër protestuesve grupin e Radoiçiqit

Serbia
Kalo në kategori