Arrihet marrëveshja, Neymar i thotë ‘po’ transferimit te Real Madridi?

Mediat spanjolle raportojnë se sulmuesi brazilian i Paris-Saint Germain, Neymar, ka arritur marrëveshje transferimi me Real Madridin për verën e vitit 2019, por Florentino Perez shpreson ta sjell atë më herët në klub.  

Sipas pretendimeve të mediumit spanjoll Diario Gol, ylli brazilian ka vendosur të nënshkruajë për Los Blancos, por jo në këtë verë që vjen, por për sezonin 2019/20.

Presidenti i klubit, Florentino Perez i ka thënë 25-vjeçarit se do të paguajë një rekord botëror prej 222 milionë funtesh apo rreth 250 milionë euro dhe do ta bëjë atë lojtarin më të paguar në botë për ta sjellë në Bernabeu.

Lexo po ashtu Real Madridi ka ndarë 450 milionë euro për ta kthyer Neymarin në La Liga

Neymar dëshiron të qëndrojë në Francë për dy sezone dhe të fitojë Ligën e Kampionëve dhe Topin e Artë përpara se të kthehet në La Liga.

Ai u largua nga Barcelona në verë, sepse donte të ishte njeriu kryesor dhe ishte i irrituar për të qenë në hijen e Lionel Messit.

Ish-ylli i Santosit u bashkua me PSG-në për 198 milionë apo 222 milionë euro dhe ka formuar një vijë sulmues vdekjeprurëse në Ligue 1 së bashku me Edinson Cavanin dhe Kylian Mbappen.

Nëse Neymar bën një lëvizje drejt Real Madridi, lirisht mund të thuhet se ky është fundi i kohës së Cristiano Ronaldos në klub.

Skuadra e Zinedine Zidanes është e dëshpëruar për nënshkrimet e reja pas një gjysmës të parë zhgënjyese të sezonit që i sheh ata duke larg rivalit të urryer, Barçës plot 14 pikë.

Lexo po ashtu Mediat zbulojnë planin e fshehtë, babai i Neymarit dhe Perezi diskutojnë transferimin e brazilianit në Real

Tifozët janë të etur për një nënshkrim ‘galaktik’, duke mos pasur një që kur Gareth Bale u bashkua me skuadrën në vitin 2013.

Ish-sulmuesi i Tottenhamit dhe sulmuesi Karim Benzema kanë qenë të lidhur me largime nga Santiago Bernabeu dhe nënshkrimi i Neymarit mund të jetë katalizatori për një goditje të madhe në Real.

Lexo po ashtu Takohen Perez-Neymar Sr., Reali ofron 250 milionë euro për Neymar Jr.

Mediumi Diario Gol raporton se Perez ka negociuar me babain e Neymarit dhe shpreson se një marrëveshje mund të përfundojë shpejt.

Përkundër planeve për ta sjellë atë në verën e vitit 2019, Perez ende shpreson se mund të bëhet një marrëveshje për të përfunduar transferimin më herët. /Telegrafi/