Është njëri nga objektet me të cilët mburret Prishtina, por jo vetëm. Për të dytën herë brenda dy vitesh, objekti i mbështjellë me grila e mbi të cilin qëndrojnë kupolat e bardha, është futur në listën e shëmtive arkitektonike botërore, shkruan “Koha Ditore”.
Kësaj here, është futur në listën e hartuar nga gazeta britanike “The Telegraph”, ku zë vendin e tretë në konkurrencë me 21 objekte anekënd botës. Në vitin 2009, BKUK-ja ishte gjendur në vendin e nëntë në klasifikimin e objekteve më të shëmtuara në botë, në listën e hartuar nga përdoruesit e faqes së internetit Virtualtourist.com.
“21 ndërtesat më të shpifura nga dizajni dhe ndërtimi”, është titulli i artikullit të gazetës britanike me listën prej 21 objekteve më të shëmtuara në botë. “The Telegraph” pyet lexuesit nëse këto janë objektet më të shëmtuara teksa i lut ata që të fusin të tjera ndërtesa në listë.
Shpjegimi i vetëm që gjendet poshtë fotografisë së BKUK-së është një informacion se atë e ka projektuar arkitekti kroat Andrija Mutnjakoviq dhe se është hapur në vitin 1982. Në listën e gazetës “The Telegraph” gjenden edhe shumë objekte të tjera.
Por për arkitektët kosovarë objekti i BKUK-së nuk e meriton që të jetë në listën e ndërtesave të shëmtuara në botë.
Arkitekti, Valdet Osmani që është edhe kryetar i Asociacionit të Arkitektëve të Kosovës, thotë se krejt kjo është çështje shijesh. Sipas tij, në botë, por edhe në Kosovë, ka objekte shumë më të shëmtuara që e meritojnë të jenë në këtë listë. Por ka një arsye edhe për epitetin që jepet BKUK-së nga “Telegraph”.
“Ndoshta arsyeja është se ky është një objekt që nuk është përshtatu me atë ambient dhe duket tërësisht i vetmuar”, ka thënë Osmani.
Vlerësim të përafërt kanë edhe të tjerë kolegë të tij kosovar. Por të gjithë pajtohen në një pikë ku thonë se çfarëdo marketingu është pozitiv.
“Ky marketing i keq për këtë objekt duhet të shfrytëzohet që objekti i BKUK-së të hapet për vizitor edhe të ruhet sa më shumë”, ka thënë arkitekti Osmani.
Lista e publikuar në “The Telegraph” përfshin shumë objekte që, sipas kësaj gazete, ia kalojnë me shëmti BKUK-së.
Lista kryeson me Kullën Velasca në Milano e projektuar nga studioja arkitektonike "BBPR", dhe e ndërtuar më 1950. Në vendin e dytë është hoteli "Ryugyong", piramida 105-katëshe në Pyongyang të Koresë Veriore që ka nisur të ndërtohej në vitin 1987 dhe ende nuk ka përfunduar e që dihet nëse do të hapet ndonjëherë. /Telegrafi/
Lufta Prigozhin - Putin
Më shumëJeta në komunizmin shqiptar
Fadil Hoxha e Veli Deva, Enver Hoxhës më 1968: Kujdes me Titon, se po na e vështirësoni punën në Kosovë
Fjalë të urta orientale: Mjeshtri i paaftë zihet me veglat e tij
Fjalë të urta popullore: Edhe diell të bëhesh, të gjithë nuk i ngroh dot!
Paraqitja e tmerrshme e Mbretëreshës së ndjerë flet për fundin e epokës së statujave
Për Migjenin...
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur