Shteti hungarez sot shënoi përvjetorin e 60-të të pavarësisë, e cila është arritur përmes Revolucionit hungarez të vitit 1956, revoltë kjo e cila ishte organizuar kundër qeverisë në pushtet të ashtuquajtur Republika Popullore Hungareze, e udhëhequr nga Partia Socialiste e Punëtorëve, e cila ishte nën ndikimin e Bashkimit Sovjetik.
Në organizimin e bërë të hënën nga Ambasada hungareze në Prishtinë, në një fjalë rasti ambasadori hungarez në Kosovë, Laszlo Markuszm tha se kjo ditë shënon përvjetorin e 60-të të Revolucionit hungarez, kohës kur hungarezët u lodhën nga tirania e udhëheqësve dhe dolën nëpër rrugë për të protestuar dhe rifituar pavarësinë dhe lirinë. Ai shtoi se ky revolucion nuk ishte i planifikuar dhe se ndodhi spontanisht nga vetë populli hungarez, sepse ishin të dëshpëruar.
Sipas tij, kosovarët dhe hungarezët ndajnë histori të ngjashme, pasi që gjatë periudhës së viteve 1950 dhe 1960, ndiheshin si qytetarë dytësor në ish Jugosllavi, andaj mirëkuptimi dhe miqësia mes kosovarëve dhe hungarezëve kujtohet edhe sot.
Markusz deklaroi se nuk sheh ndonjë arsye për të mos i lejuar qytetarëve të Kosovës liberalizimin e vizave, pasi sipas tij qytetarët kosovarë nuk duan të ndjehen më si qytetarët e dytë në Evropë dhe se duhet ta ndjejnë lirinë e udhëtimit, transmeton KosovaPress.
“Në këtë ditë po festojmë përvjetorin e 60-të të Revolucionit hungarez dhe luftës për liri. Pas një dekade tiranie hungarezët u lodhën, andaj dolën nëpër rrugë për të protestuar dhe morën armët për të rifituar lirinë dhe pavarësinë. Në tetor të vitit 1956, ishte populli ai që vendosi spontanisht dhe nuk kishte vend dhe kohë për analiza ushtarake, ishte një e qarë dëshpëruese për liri dhe vendosmëri për të mbrojtur kohën dhe lirinë që morëm nga udhëheqësit në ato ditë. U deshën më shumë se 4 mijë tanke për të thyer rezistencën e ushtrisë së Budapestit, ku luftonin kryesisht me armë dore dhe koktej molotivi. Miqtë tanë kosovarë dhe shqiptarë, gjithashtu kaluan në një periudhë shumë të vështirë në vitet e 50-ta dhe 60-ta. Në epokën e Rankoviqit, shqiptarët dhe hungarezët shpesh janë ndjerë si qytetarë të dytë, si klasa e dytë e qytetarëve në ish Jugosllavi. Mirëkuptimi i thellë dhe miqësia m es tyre kujtohet edhe sot. Për këtë arsye, unë plotësisht bashkë-ndjej me miqtë kosovarë, që nuk duan të jenë qytetarët e dytë në Evropë dhe se do donin ta ndjenin lirinë e udhëtimit në Evropë pa viza. Vendi im nuk sheh ndonjë arsye për të mos i dhënë Kosovës liberalizmin e vizave”, tha Markusz.
Dhe krejt në fund ambasadori Markusz tha se dëshiron t’ia dedikojë një këngë të gjithë atyre kosovarëve dhe hungarezëve që lanë vendin e tyre, për shkak të presionit dhe nuk u kthyen më asnjëherë.
Në këtë ceremoni ishin të pranishëm përfaqësues të institucioneve të Kosovës dhe skenës politike.
Lufta Prigozhin - Putin
Më shumëAksident i rëndë në Suharekë, dy të vdekur
Regjistrimi i diasporës: Çfarë përfiton Kosova?
Një muaj paraburgim ndaj boshnjakut që dyshohet për krime lufte kundër shqiptarëve në Gjakovë
LDK u vendos “vija të kuqe” të gjitha partive politike për koalicione parazgjedhore
Dobësimi i Euros në Shqipëri shtrenjton paketat turistike
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur