Alemany për Lewandowskin te Barcelona: Janë spekulime, nuk ka marrëveshje

Meqë Erling Haaland po bëhet një transferim më i vështirë për t’u përfunduar, Barcelona nuk po e përjashton veten nga një lëvizje për Robert Lewandowski, megjithëse drejtori sportiv i klubit, Mateu Alemany ka hedhur poshtë spekulimet se Blaugranët kanë një marrëveshje me sulmuesin polak.

Bayern Munich ka përsëritur qëndrimin e tyre se Lewandowski nuk do të shitet në afatin kalimtar të verës, pavarësisht faktit se ish-ylli i Borussia Dortmundit deri më tani ka refuzuar të bie dakord për një zgjatje të kontratës.

Emri i polakut është lidhur me një transferim në Camp Nou gjatë verës, por si duket nuk ka marrëveshje, pasi kjo gjë është mohuar nga drejtori sportiv i Barcelonës, Alemany.

Lexo po ashtu Xavi flet për transferimin e mundshëm të Lewandowskit te Barcelona

“Ne nuk kemi ndonjë marrëveshje me sulmuesin, ky është spekulim nga shtypi që është shumë i mirë për të mbushur faqet”, ka thënë fillimisht Alemany.

“Nuk është e vërtetë. Nëse do ta dëshironim atë, gjëja e parë që do të bënim do të ishte të flisnim me klubin e tij”, përfundoi drejtori sportiv i Barcelonës.

Ndryshe, Barcelona u eliminua gjatë të enjtes nga Eintracht Frankfurt nga Liga e Evropës dhe nevoja për të shtuar sulmues të ri është evidente. /Telegrafi/