Mbi 7.6 milion euro janë fitimet neto të Aeroportit Ndërkombëtar të Prishtinës deri në fund të muajit gusht, ndërkohë që parashikimet ishin që gjatë gjithë vitit 2009 të fitohej një shumë prej 7.4 milionë euro neto. Parashikimet u tejkaluan edhe për numrin e udhëtarëve dhe fluturimeve.
ANP ka thyer çdo parashikim në realizimin e të hyrave dhe fitimeve, duke arritur dhe tejkaluar planin vjetor që në muajin gusht, katër muaj pa përfunduar viti.
Deri në fund të këtij muaji janë realizuar plot 7.6 milion euro fitim neto, nga 7.4 që ishin paraparë me projeksionet e fillim vitit dhe gjatë rishikimit të buxhetit në qershor të këtij viti për tërë vitin 2009.
Gjatë vitit 2008, fitimet vjetore ishin në shumën prej rreth 7 milionë eurove.
“Janë thyer të gjitha parashikimet për fitimet e mundshme të cilat ishin paraparë në fillim të vitit 2009 dhe me rishikimn e buxhetit në qershor të këtij viti. Realisht, planin vjetor e kemi realizuar që tani, ndërkohë që deri në fund të vitit kanë mbetur edhe 4 muaj. Shpresojmë që deri në fund të vitit të kemi një fitim neto së paku prej 10 milion eurove ”, tha Altin Ahmeti, Koordinator për Mardhënie me Jashtë i ANP-së.
Sipas tij, qarkullimi i parave gjatë kësaj periudhe në kompani ka qenë rreth 18. 5 milion euro.
Gjithashtu, rritje ka shënuar edhe numri i udhëtarve dhe fluturimeve.
Në rang vjetor, duke krahasuar me vitin 2008 numri i udhëtarëve është rritur mbi 5 përqind, ndërsa numri i fluturimeve për 17 përqind .
Gjithsejt, prej fillimit të vitit e deri në fund të muajit që lamë pas, nëpër Aeroportin Ndërkombëtar të Prishtinës kaluan 827 mijë udhëtarë, ndërsa në të njëjtën periudhë paraprake të vitit 2008 ishin 788 mijë udhëtarë, apo rreth 40 mijë udhëtarë më shumë.
Ndërsa, sa i përket fluturimeve, këtë tetëmujor u regjistruan 3890 fluturime, nga 3329 fluturime që u regjistruan gjatë vitit 2008 për të njëjtën periudhë, apo rreth 561 fluturime më shumë se vitin e kaluar.
“Qasja e proklamuar nga drejtori aktual i ANP-së, Agron Mustafa për orientim drejt klientëve, në këtë rast orientimi drejt përmirësimit dhe ofrimit të shërbimeve sa më cilësore për aviokompanitë dhe udhëtarët, ka rezultuar me rritje të vazhdueshme të numrit të udhëtarëve, fluturimeve, fitimeve neto, që nga mesi i vitit 2008. Kjo rritje dhe perspektiva për rritje të mëtutjeshme paraqesin pikën më të fuqishme për rritjen e vlerës reale të aeroportit, i cili ndodhet në prag të koncesionit.”, tha koordinatori Ahmeti.
Si rezultat i orientimi drejt përmisimit të shërbimeve, disa kompani të reja kanë hyrë për të operuar në tregun e Kosovës me linja të rregullta.
Më e fundit është Montenegro Airlines, e cila ka filluar fluturime të përditshme për nga Prishtina në Podgoricë dhe vendet tjera europiane, ndërsa nga 1 nëntori kompania e njohur zviceriane Swiss pritet të fillojë fluturimet e rregullta dy herë në ditë në destinacionin Zyrich- Prishtinë dhe anasjelltas.
Ndërsa shumica e kompanive ekzistuese që operojnë prej kohësh në ANP kanë rritur numrin e fluturimeve, duke përfituar nga programi sitmules nxitës që është vënë prej disa kohësh në funksion nga menaxhmenti i ANP-së. /Telegrafi/
Promo
Reklamo këtuLufta Prigozhin - Putin
Më shumëProduktet arrore që duhet patjetër t’i provoni
Shijoni ushqimet japoneze në shtëpinë tuaj - Japanos tani me porosi online
Emona Center ka zgjedhur sot fituesit e lojës së madhe shpërblyese
Si të gjeni punën e përkryer pa shpenzuar orë të tëra në kërkim – Telegrafi Jobs ka zgjidhjen
Inaugurohet investimi më i ri për lumturinë e fëmijëve - ATC Kids
Rizvanolli "godet" BE-në në Greqi: Lëndët e para nuk mund të sigurohen me regjime autokratike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Leo Messi befasoi me zgjedhjen e tij kur përmendi lojtarin më të mirë që ka parë ndonjëherë
Merr fund historia e biznesit me shezlongët? Ndreu jep lajmin e mirë
Pas transferimeve të raketave balistike nga Irani në Rusi, SHBA-ja vjen me një paralajmërim
Kosova rrezikon të mbetet jashtë Procesit të Berlinit, shkak masa e sigurisë me Serbinë
Notat e lojtarëve, Ukrainë 1-2 Shqipëri: Ismajli dhe Manaj me paraqitje fantastike
Shqipëria me përmbysje spektakolare ndaj Ukrainës merr tri pikët e para në Ligën e Kombeve