Derisa ditëve të fundit dyert e Korporatës Energjetike e Kosovës (KEK), janë zënë nga protestues me kërkesa të ndryshme si për “fryrje” faturash, dhe ankesat për vendimin e rritjes së tarifave, kjo Korporatë ka dhe detyrimin e saj me miliona euro ndaj Qeverisë së Kosovës. KEK-u është i obliguar që Qeverisë çdo muaj t’ia kthejë 500 mijë euro.
Dhjetë milionë euro janë pjesë e obligimit të pashlyer të KEK-ut ndaj Qeverisë së Kosovës, e cila e kishte kredituar KEK-un në kohën e UNMIK-ut. Ndërkohë që edhe 100 milionë të tjera për të cilat ende nuk ka marrëveshje sesi dhe kur do të nisin të kthehen.
Qeveria e Kosovës i ka ndarë 10 milionët e para nga Buxheti i Konsoliduar i Kosovës duke i derdhur në llogarinë e KEK-ut përmes Agjencisë Kosovare të Mirëbesimit. Marrëveshja për marrjen e huas nga buxheti i Kosovës ishte nënshkruar nga ish-Ministria e Ekonomisë dhe e Financave, ish-AKM-ja dhe KEK-u. Për një kohë të gjatë KEK-u kishte refuzuar të kthente këtë borxh me arsyetimin se ky borxh ishte marrë para se të ndodhte korporatizimi i KEK-ut. Me korporatizim ishin krijuar dy kompani, gjegjësisht “KEK sh.a” dhe “KEK Holding”.
Kredia prej 10 milionë eurosh ishte paraparë të kthehej gjatë vitit 2009, por kthimi i saj ka nisur tek në vitin 2012. “Kemi bërë riprogramimin, vitin e kaluar i kanë kthyer 4 milionë, këtë vit do t’i kthejnë 6 milionë, për çdo muaj nga 500 mijë euro, për muajin janar dhe shkurt i kanë alokuar mjetet. 1 milion e kanë kthyer, edhe 5 milionë do t’i kthejnë deri më 31 dhjetor të këtij viti”, ka thënë zëvendësministri i Financave, Ramadan Avdiu.
“Për vitin 2014 duhet ta riprogramojë një kredi prej 14 milionë eurosh, mirëpo ne duhet ta riprogramojmë pasi që nuk dëshirojmë që ta ngulfasim KEK-un, ta pengojmë në operimin e saj si ndërmarrje publike. Duhet ta bëjmë një marrëveshje për kthim gradual”, tha Avdiu.
Kthimi i borxhit të edhe 6 milionë eurove të tjera ndaj qeverisë i cili është paraparë të kthehet këtë vit sipas zëdhënësit të KEK-ut, Viktor Buzhala nuk ndikon në prishjen e bilancit financiar të kësaj korporate. “Nuk e prish bilancin financiar sepse është i paraparë në buxhet të KEK-ut për këtë vit. KEK-u tashme ka kthyer dy këstet e para, përkatësisht 1 milion euro”, ka thënë Buzhala.
Sipas tij përveç këtyre kredive KEK-u ka edhe një tjetër 100 milionëshe. “Kemi dhe një kredi 100 milionë euro, mirëpo kemi marrëveshje me Qeverinë që deri sa të vendoset një marrëveshje se si do të kthehet kjo kredi të mos fillojmë me kthimin e saj”, ka thënë Buzhala. /Zëri/Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Bëhu banor i kryeveprës së Prizrenit - Grand Residence
Kurrë s’e ke pas ma lehtë se me Telegrafi Jobs me gjetë punë!
Policia me apel për qytetarët: Kujdes nga mashtrimi përmes investimeve të dyshuara online
Vlerat ushqyese të qumështit
Qysh bohet kerri i vogël, kerr i ri!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak