Autostrada nuk ndalet as gjatë dimrit

Konzorciumi “Bechtel & Enka”, është duke i vazhduar punimet sipas dinamikës së paraparë. Zyrtarë të kësaj kompanie kanë thënë se puna nuk do të ndalet edhe gjatë dimrit, ku do të kryhen punë në objekte të forta.

Zëdhënësja e kompanisë, Ela Ruçi tha për Telegrafi se projekti i Autostradës Morinë – Merdare po shkon sipas planifikimit të bërë për stinën e dimrit.

“Fokusi në këtë sezon është puna në struktura, prodhimi i trarëve vazhdon sipas programit dhe ka përfunduar lëshimi i trarëve në Urën 5, po avancohet në urën 6, ndërkohë që ngritja e urave vazhdon në të gjithë gjatësinë 34 kilometra të seksionit të parë, të dytë dhe të tretë”, tha Ruçi.

Edhe zyrtarë të Ministrisë së Transportit dhe Poste-Telekomunikacionit (MTPT) kanë thënë se janë të kënaqur me rrethen e punime që është duke kryer konsorciumi “Bechtel & Enka” në autostradë.

Shefi i kabinetit të ministrit në largim Fatmir Limaj, Endrit Shala tha për Telegrafi se punët në autostradë janë duke shkuar sipas planit dhe dinamikës së paraparë. Sipas tij, as ndryshimi i kushteve atmosferike nuk do ta ndal dinamiken e punëve në trasenë e autostradës.

“Ministria është e kangur me punimet që janë duke u kryer deri më tash. Punët nuk do të ndalen as dimrit kompania do të punojë në objektet të forta siç janë urat dhe punët e tjera”.

Sipas Shalës, zhvillimet politike nuk do të ndikojnë në dinamiken e punëve. “Komplet ministria duke përfshirë edhe kabinetin ministrit janë të angazhuar që punët të mos ndalen për as një moment në autostradën Vërmicë-Merdar”, tha shef i kabinetit të ministrit Limaj.

Autostrada pritet të përfundojë për 36 muaj ditë punë, por ende nuk dihet kostoja e saktë e saj. /Telegrafi/