ATK 35 inspektor më shumë

Administratës Tatimore të Kosovës (ATK) të martën iu akne shtuar e dhe 35 inspektor të rinj.

Ministri i Ekonomisë dhe Financave Ahmet Shala, tha se inspektorët e rinj duhet të angazhohen shumë pasi që kanë barrën e vjeljes së tatimeve, proces ky sipas tij në shërbim të gjithë popullit të Kosovës.

“Ju lus që së bashku të punojmë me shumë përkushtim dhe të çojmë shtetin tonë përpara ashtu që punën të cilën shtetet tjera e kanë bërë para 100 vitesh, ta bëjmë ne sot për ne dhe për të ardhmen e fëmijëve tanë” theksoi ministri Shala.

Drejtori i Administratës Tatimore të Kosovës Behxhet Haliti, u tha inspektorëve të rinj që t’i binden dhe zbatojnë ligjet në fuqi, të jenë transparent dhe të dedikuar në pozitën e zyrtarit shtetëror.

“Ju jeni gjeneratë me fat, pasi që ky është vit jubilar për ne. Këtë vit ATK ka 10 vjetorin e themelimit si dhe ky është viti më shumë risi në legjislacion, njësi te reja, sisteme te avancuar në funksion te ngritjes së cilësisë së shërbimeve ndaj tatimpaguesve, ky vit gjithashtu shënon kthesë të suksesshëm sa i takon aspektit të të hyrave”, theksoi Haliti. /Telegrafi/