Fjalën e fundit mbi çështjen e nënshkrimit të kontratës me konsorciumin “Bechtel & Enka” për ndërtimin e autostradës Vërmicë – Besi do ta thotë Qeveria e vendit këtë të mërkurë. Ekzekutivi, para se të “shtrëngojë duart” me punëkryerësin, pret vendimin e Komitetit Ndërministror për ndërtimin e autostradës që pritet të takohet të martën.
“Afati nuk do të tejkalohet. Këshilli ndërministror të martën e ka takimin e fundit dhe do të marrë vendimin përkatës, ndërsa të mërkurën Qeveria gjithashtu do të vazhdojë me vendimin e saj”, ka thënë kryeministri Thaçi, të dielën në Aeroportin e Prishtinës, pas kthimit nga Konferenca ndërkombëtare e mbajtur në Bërdo të Sllovenisë, shkruan sot Koha Ditore.
Afati dhjetëditor i kryeministrit për nënshkrimin e kontratës me konsorciumin amerikano-turk “Bechtel & Enka” e vlefshme për ndërtimin e autostradës zyrtarisht kalon këtë të hënë.
“Mund të jetë çështje orësh sa i përket dhjetëditëshit që është përmendur më herët”, ka thënë ai.
Punimet në projektin e autostradës se Kosovës të gjatë rreth 103 pritet të ndahen në dy faza. Për 24 muaj planifikohet të kryhet segmenti Vërmicë – Arllat, ndërsa për 12 muaj do të përfundojë segmenti Sllatinë – Besi.
Përveç afrimit të datës për nënshkrimin e kontratës, zyrtarë qeveritarë ende nuk kanë saktësuar se nga do të merren financat e para për nisjen e punimeve në autostradë. Njëri nga opsionet e mundshme të financimit të autostradës është marrja e kredive nga bankat e kompanisë me të cilën arrihet marrëveshja.
“Në momentin kur të nënshkruhet kontrata aty përcaktohet saktë edhe momenti i fillimit të punimeve”, pati deklaruar ministri i Transportit dhe Postë-Telekomunikacionit, Fatmir Limaj, duke theksuar se paratë për ndërtimin e autostradës janë të siguruara nga kompania amerikano-turke.
Ministri Limaj, ndërkaq, pati siguruar banorët se asnjë milimetër e tokës që do t’ua marrë autostrada nuk do të mbetet pa u kompensuar.
“Çdo milimetër e pronës në të cilën kalon autostrada do të shpronësohet me çmimin e tregut. Kështu e thotë Ligji mbi shpronësim”, ka thënë ai.
Gjithashtu, Limaj ka paralajmëruar edhe disa nga format e financimit të ndërtimit të autostradës. Përveç mjeteve prej rreth 22 milionë eurosh të siguruara nga buxheti i Kosovës, Korporata Amerikane e Investimeve (OPIC) ka shprehur interesim që ta mbështetë projektin me 80 milionë euro, ndërsa përmes Bankës Gjermane mund të sigurohen 60 milionë euro. Edhe Banka Amerikane është interesuar që të japë kredi të buta për ndërtimin e autostradës së Kosovës.
Në janar të këtij viti Qeveria ka miratuar propozimin e Komitetit Ndërministror për ndërtimin e autostradës, për të filluar negociatat me kompaninë “Bechtel & Enka”, e cila ka ofruar që një kilometër autostradë ta ndërtojë për 7,5 deri në 8 milionë euro
Deklarimet e mëparshme të ministrit të Ekonomisë dhe Financave, Ahmet Shala, në lidhje me financimin e autostradës, nuk japin përfundim se në cilin institucion financiar saktësisht do të hyjë kredi Republika e Kosovës për ndërtimin e autostradës. Dihet se financimi i autostradës do të bëhet 50 për qind nga kreditë dhe 50 për qind nga investimet nga buxheti i Kosovës.
Lufta Prigozhin - Putin
Më shumëNga Rubrika
As 350 euro nuk i përmbushin nevojat bazike për një pjesë të qytetarëve
Auto Mita shpërblen me 20.000 euro dhuratë 10 blerësit e parë të Volvo XC90
Keiretsu Forum Southeast Europe dhe BKT Kosova, një bashkëpunim i guximshëm për herë të parë në llojin e tij, në mbështetje të startup-eve në rajon e më gjerë
Të shpejta, të shijshme, plot vlera ushqyese - Kurseni kohë, pa sakrifikuar shijen me gjellërat e gatshme të MEKA-s
Fito VESPA dhe udhëtim në çift në Amsterdam
Vetura Scout - Platforma që ndryshon rregullat e shitblerjes së veturave në Kosovë!
Auto Mita shpërblen me 20.000 euro dhuratë 10 blerësit e parë të Volvo XC90
American Brain - Histori suksesi për shërimin ndaj varësisë së drogës dhe alkoolit
Abdixhiku: Kosova ka ngecur me Kurtin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Zgjedhja e Messit për kundërshtarin e tij më të vështirë i la tifozët e befasuar
Të gjithë po flasin për asistimin që Arda Guler e bëri te Turqia
Jose Mourinho zgjedh tre futbollistët më të mirë në histori – injoron Ronaldon
Gjersa Kosova po fiton kundër Qipros – Edon Zhegrova dërgon mesazh
Pse Vedat Muriqi nuk u paraqit në pjesën e dytë ndaj Qipros
iPhone 16 i Apple vjen me veçori të AI – gjithçka që duhet të dini për gjeneratën më të re të telefonit të mençur