Banka Botërore po ndjek një program ambicioz reformues për t’i mundësuar këtij institucioni të jetë edhe më efikas dhe efektiv përderisa përfiton më shumë legjitimitet mes vendeve në zhvillim të cilave u shërben, tha Presidenti i Grupit të Bankës Botërore, Robert B. Zoellick.
Në një fjalim në hapje të Takimeve Vjetore të Bankës Botërore dhe të Fondit Monetar Ndërkombëtar në Stamboll, Turqi, Zoellick tha se reformat e Bankës Botërore do të përqendrohen në përmirësimin e efektivitetit zhvillimor, kultivimin e llogaridhënies dhe qeverisjes së mirë dhe vazhdimin e rritjes së efikasitetit.
“Për t’i shërbyer ekonomisë globale në ndryshim e sipër, bota ka nevojë për institucione agjile, të gjalla, të afta dhe llogaridhënëse,” tha Zoellick në takimin e Bordit të Guvernatorëve të Grupit të Bankës Botërore. “Grupi i Bankës Botërore do të përmirësojë legjitimitetin, efikasitetin, efektivitetin dhe llogaridhënien e tij dhe do të zgjerojë edhe më tej bashkëpunimin me OKB dhe FMN, me bankat e tjera zhvillimore multilaterale, me donatorët, shoqërinë civile dhe fondacionet të cilat janë bërë aktorë zhvillimorë përherë e më të rëndësishëm.
Zoellick theksoi se kur u themelua Banka Botërore më 1944, bota ishte ndryshe nga ajo që është sot. Institucioni u formua nga 44 vende, ndërsa anëtarësia e saj sot është 186 vende. Shumica e vendeve që janë në zhvillim sot atëherë ende ishin koloni.
Sistemi ka përshkuar një rrugëtim të gjatë që nga atëherë dhe ekonomia politike e shekullit 21 kërkonte një rend të ndryshuar që pasqyronte rolin në rritje të vendeve në zhvillim. Ato tashmë ishin një burim i rritjes së mundshme ekonomike që mund të shpiente tek një ekonomi botërore më e baraspeshuar.
“Nëse vendet në zhvillim janë pjesë e zgjidhjes, ato duhet të jenë edhe pjesë e bisedimeve. Sistemi ndërkombëtar ka nevojë për një Grup të Bankës Botërore që përfaqëson realitetet e ekonomisë ndërkombëtare të shekullit 21, që njeh rolet dhe përgjegjësitë e palëve në rritje e sipër dhe që ofron një zë më të fuqishëm për Afrikën,” tha Zoellick.
Aksionarët e Bankës Botërore mbështetën reformat që do t’u jepnin vendeve në zhvillim të paktën 47% të pjesës së votimit brenda institucionit. Zoellick tha se aksionarët duhet të shkojnë përtej kësaj për të arritur shifrën prej 50% të aksioneve për vendet në zhvillim.
Reformat ishin të pashmangshme meqë bota po ndryshonte me ritëm aq të shpejtë, tha Zoellick. “Rendi i vjetër ndërkombëtar ekonomik mezi arrinte të kapte hapin me ndryshimet para krizës. Dyndja e sotme ka nxjerrë në pah zbrazëtira të mëdha dhe nevoja urgjente. Është koha të arrijmë hapin dhe të ecim para.”
Komisioni i Nivelit të Lartë i kryesuar nga ish Presidenti i Meksikos, Ernesto Zedillo, të cilin Zoellick e angazhoi vitin e kaluar për të shqyrtuar reforma më gjithëpërfshirëse në qeverisjen e Bankës Botërore, pritet të dorëzojë raportin e tij më vonë gjatë këtij muaji.
Promo
Reklamo këtuLufta Prigozhin - Putin
Më shumëMusk hapave për t'u bërë trilioneri i parë në botë, zbulon raporti
Produktet arrore që duhet patjetër t’i provoni
Për një muaj Albafone u bë një kompani globale
Si të gjeni punën e përkryer pa shpenzuar orë të tëra në kërkim – Telegrafi Jobs ka zgjidhjen
Shijoni ushqimet japoneze në shtëpinë tuaj - Japanos tani me porosi online
Për flokë dhe lëkurë rrezatuese: Këto 3 lloje të kolagjenit janë gjithçka që ju duhet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Leo Messi befasoi me zgjedhjen e tij kur përmendi lojtarin më të mirë që ka parë ndonjëherë
Merr fund historia e biznesit me shezlongët? Ndreu jep lajmin e mirë
Pas transferimeve të raketave balistike nga Irani në Rusi, SHBA-ja vjen me një paralajmërim
Kosova rrezikon të mbetet jashtë Procesit të Berlinit, shkak masa e sigurisë me Serbinë
Notat e lojtarëve, Ukrainë 1-2 Shqipëri: Ismajli dhe Manaj me paraqitje fantastike
Shqipëria me përmbysje spektakolare ndaj Ukrainës merr tri pikët e para në Ligën e Kombeve