Bora dëmtoi rëndë rrjetin e KEK-ut

Ekipet e mirëmbajtjes së KEK-ut janë në terren dhe janë duke punuar në riparimin e prishjeve. Numri i prishjeve ishte shumë më i madh, por ekipet e mirëmbajtjes, pas një pune të palodhshme kanë arritur t’i sanojnë rreth 25 dalje, duke ua kthyer tensionin mbi 25 mijë konsumatorëve.

"KEK kërkon ndjesë nga konsumatorët që kanë mbetur pa energji elektrike si pasojë e kushteve atmosferike dhe sqaron se gjatë ditëve të fundit nuk ka pasur reduktime të zgjatura të energjisë elektrike, por ato kanë ardhur si pasojë e prishjeve në rrjet, të cilat janë sanuar në afatet më të shkurtra të mundshme", thuhet ne komunikaten e kesaj kompanie.

Sipas saj, furnizimi me energji elektrike në zonat ku nuk ka prishje është mjaft i kënaqshëm, pasi KEK po operon me 4 njësi gjeneruese, përkatësisht B1 dhe B2 të TC “Kosova B”, A3 dhe A5 të TC “Kosova A”, si dhe HC “Ujmani”, të cilat prodhojnë afro 800 megavatë/orë energji elektrike, ndërsa importi shkon deri në 122 megavatë/orë në kohën e pikut. /telegrafi/