Lëndohet Massa, Alonso nis nga pozita e parë

Një incident i rendë ka ndodhur gjatë sesionit të dytë të provave zyrtare të Çmimit të Madh të Hungarisë. Një pjesë mekanike që është shkëputur nga makina e Rubens Barrichellos, ka goditur në koke pilotin e Ferrarit, Felipe Mass, duke e bërë të humbasë ndjenjat përpara futjes në një kthesë të shpejtë.

Massa ka dalë nga pista dhe është përplasur me murin mbrojtjes që rrethon pistën. Në vendngjarje kanë shkuar menjëherë autoambulancat që i kanë dhënë ndihmën e parë nënkampionit të botës.

Ferrari ka bërë të ditur se piloti është në gjendje të mirë. Menaxheri i tij siguron që piloti është i vetëdijshëm dhe ka nisur të flasë. Sipas procedurës, Massa është dërguar me helikopter në spital për të verifikuar gjendjen e tij shëndetësore.

Ndërkohe, pas përfundimit të provave zyrtare, i pari është renditur piloti i Renault, Fernando Alonso, i ndjekur nga dy pilotet e Red Bull, Vettel dhe Webber. Nëse do të jetë në gjendje të garoje nesër, Massa do të niset nga vendi i dhjetë. /tch/telegrafi/