Bayern Munich ndalet me barazim në udhëtim nga Union Berlini

Bayern Munichu ka shënuar fitore me rezultat minimal 1-0 në udhëtim ndaj Union Berlinit në kuadër të javës së 26-të në elitën e futbollit gjerman. 

Pjesa e parë ishte shumë e qetë me bavarezët që dominonin në aspektin e posedimit të topit, por nuk po arrinin të gjenin hapësirat e duhura për të sulmuar portën kundërshtare. 

Rasti i vetëm në pjesën e parë erdhi në minutat shtesë kur Serge Gnabry bëri një gjuajtje të fortë e cila u ndal nga portieri vendas. 

Kërcënimi i parë serioz në pjesën e dytë për vendasit erdhi nga Harry Kane, i cili në minutën e 50-të iu afrua golit përmes gjuajtjes së lirë, por u ndal nga portieri Frederik Ronnow. 

Mundësia e vetme për gol në këtë ndeshje për vendasit erdhi në minutën e 59-të, kur Josip Juranovic detyroi portierin Jonas Urbig të bëjë një pritje për t’i mohuar golin. 

Në minutën e 63-të golit iu afrua edhe Jamal Musiala, por Ronnoë bëri një super pritje në cepin e majtë të portës së tij. 

Pas disa tentimeve të njëpasnjëshme për ta gjetur golin, bavarezët ia dolën ta shënojnë golin e fitores në minutën e 75-të. 

Autor i këtij goli ishte Leroy Sane i cili nuk gaboi për ta çuar topin në rrjetë për 1-0 pas asistimit të Josip Stanasic. 

Me këtë fitore, Bayerni shkon në kuotën e 64 pikëve, 11 më shumë se Bayer Leverkuseni në pozitën e dytë që ka 53 sosh, por këta të fundit me një ndeshje më pak të luajtur./Telegrafi/