Jim Ratcliffe zbulon emrin e trajnerit të cilin nuk do ta kishte punësuar kurrë tek Man United

Sir Jim Ratcliffe ka emëruar trajnerin të cilin nuk do ta kishte punësuar kurrë tek Manchester United. 

Në vitin 2013, trajneri legjendar Sir Alex Ferguson u pensionua pasi fitoi Ligën Premier me ‘Djajtë e Kuq’. 

Gjatë kohës sa ai ishte në krye, Ferguson i udhëhoqi ‘Djajtë e Kuq’ drejt disa trofeve, duke përfshirë 13 tituj të kampionatit dhe dy Liga të Kampionëve. 

Sidoqoftë, që prej se skocezi u pensionua, United ka pasur vështirësi që të konkurrojë në nivelet e larta të futbollit evropian. 

Lexo po ashtu Revolucion total tek Man United – Amorim ka vendosur t’i ‘heq qafe’ 10 lojtarë në verë

Emra si David Moyes, Jose Mourinho, Louis Van Gaal dhe Erik Ten Hag që të gjithë u përpoqën, por dështuan të kenë sukses në ‘Old Trafford’. 

Duke folur së fundmi në një intervistë, bashkëpronari i Unitedit, Ratcliffe, e zgjodhi Moyesin si dikush të cilin nuk do ta kishte punësuar kurrë për ta zëvendësuar Fergusonin. 

“Shikoni, e dua David Moyes dhe mendoj se ai është një trajner shumë i mirë, por të shkosh nga Sir Alex Ferguson tek Moyes, nuk është diçka të cilën unë do ta bëja”. 

“Moyes shkeli mbi këpucët e Ferguson, i cili e ka fituar Ligën Premier 13 herë, i cili ka fituar Ligën e Kampionëve dy herë dhe pastaj ia dhuroni këtë një njeriu i cili nuk ka drejtuar asnjëherë lojtarë të mëdhenj dhe nuk ka fituar asgjë”. 

“Ai nuk e kishte personalitetin për të qëndruar para të gjithë atyre”, ka thënë Ratcliffe. 

Në total, Moyes e ka drejtuar në 51 ndeshje Unitedin, duke fituar 27 prej tyre, duke barazuar nëntë dhe duke humbur 15./Telegrafi/