Këshilltari i Trumpit tregon se cilin territor, Ukraina do të duhet t’ia dorëzojë Rusisë

Mike Waltz sugjeron se Ukraina mund të detyrohet të dorëzojë Donbasin në kuadër të marrëveshjes paqeje me Rusinë.

Mike Waltz, këshilltar për sigurinë kombëtare i presidentit amerikan Donald Trump dhe një nga pjesëmarrësit në negociatat për armëpushimin në Ukrainë, sugjeroi në një intervistë për Fox News se Ukraina mund të detyrohet të dorëzojë rusëve rajonin e Donbasit si pjesë e një marrëveshjeje paqeje.

Duke iu përgjigjur një pyetjeje nga gazetarët, Waltz tha se “nëse do të imagjinoja se si do të zhvillohej ky marrëveshje, mendoj se do të ishte një marrëveshje që lidhet me mineralet e rralla të tokës, si një komponent që do të ruante angazhimin dhe praninë amerikane në Ukrainë. Ndoshta mund të jenë edhe forcat evropiane në Ukrainë”.

Ai shtoi se “mendoj se nuk do të ketë asgjë për anëtarësimin e Ukrainës në NATO, dhe gjithashtu do të thosha se disa pjesë – ndoshta veçanërisht Donbasi ose zona me një popullsi të madhe ruse – mund t’i takojnë Putinit në çdo marrëveshje negociuese. A jam gabim?”.

Trump’s National Security Advisor Mike Waltz tells Fox News that Putin will get the Donbas region of eastern Ukraine as part of a peace deal.

Outrageous
pic.twitter.com/gPuw6tssyk

— Republicans against Trump (@RpsAgainstTrump) March 14, 2025

Waltz i përgjigjej se “nuk je gabim në asnjë pjesë. Dhe ajo që është e rëndësishme është që ne po diskutojmë për të gjitha këto gjëra me të dyja palët. Po zhvillojmë këto biseda me kolegët tanë rusë. Po zhvillojmë këto biseda me kolegët tanë ukrainas dhe po i shtyjmë të dyja palët drejt një marrëveshjeje, së bashku me presidentin Trump, negociatorin kryesor, i cili është i vendosur të përfundojë këtë luftë”.

Rusia deri tani kërkon disa kushte për armëpushimin, duke përfshirë anëtarësimin e Ukrainës në NATO, ndërprerjen e ndihmës ushtarake për Ukrainën dhe njohjen e katër rajoneve të aneksuara. Krimi dhe pjesërisht Donbasi janë rajone që Rusia ka mbajtur nën kontroll që nga viti 2014 pas rebelimit të separatisteve rusë, dhe pas fillimit të agresionit në vitin 2022, ata shtuan pothuajse të gjithë Donbasin dhe pjesë të rajoneve të Kherson dhe Zaporizhzhia.

Sipas deklaratave të Waltz, është e mundur që Krimi dhe Donbasi, si “pjesë me shumicë popullsi ruse”, mund t’i duhet t’i dorëzohen Kievit, ndërsa dy rajonet e tjera do të jenë objekt i bisedimeve. Donbasi ose Bazeni Donets është një rajon që përfshin provincat e Donetsk dhe Luhansk. Para luftës, në këtë rajon jetonin mbi 55 për qind ukrainas dhe rreth 40 për qind rusë. Mbi 70 për qind e njerëzve flisnin rusisht. /Telegrafi/