Barcelona po synon të mbyllë sot shitjen e Vitor Roques për 25 milionë euro

Pas një muaji thashethemesh për një kalim të mundshëm të Vitor Rouqes tek Palmeiras, dita e sotme (e hënë) është cilësuar ajo kur do të bëhet zyrtare marrëveshja. 

19-vjeçari ka humbur minutat gjatë javëve të fundit tek Real Betisi dhe për këtë arsye ka kërkuar largimin nga ‘Benito Villamarin’. 

Barcelona dhe Palmeiras janë pajtuar që Rouqe të rikthehet në Brazil për 25 milionë euro, me blaugranasit që do të mbajnë 20 për qind të kartonit të tij. 

Ka ende disa detaje të tjera për t’u diskutuar, por ato pritet që të zgjidhen gjatë ditës së sotme, në një marrëveshje sipas e cila i lejon Barcelonës t’i shpëtojë një afati kalimtar të dështuar pa humbje në financa. 

Në ndërkohë, tek Real Betisi ishin të sigurt për javë me radhë se Roque do të mbetet pjesë e tyre, megjithatë ata tashmë janë të vetëdijshëm që kjo nuk do të ndodhë. 

🚨🇧🇷 Palmeiras are advancing in talks to get Vitor Roque deal done.

Agreement done with Barcelona for €25m transfer fee plus 20% sell-on clause.

But there’s still some work to do on Real Betis side as loan included buy option and Betis have final say, waiting on green light, pic.twitter.com/Ju0yi0xAk2

— Fabrizio Romano (@FabrizioRomano) February 24, 2025

Betis nuk ka për synim që të ndërhyjë për ta dështuar marrëveshjen, pasi kanë një raport të shkëlqyeshëm me Barcelonën dhe tashmë kanë marrë Cucho Hernandez për 13 milionë euro në janar si sulmues të ri. 

Klubi spanjoll e ka opsionin për ta blerë Roquen për kushtet e njëjta dhe gjithashtu një opsion për ta zgjatur huazimin e tij sezonin e ardhshëm, dhe ata mund të marrin një shumë të vogël parash për të lejuar Roquen të largohet tani dhe jo në verë. 

Afati kalimtar i transferimeve në Brazil përfundon më 28 shkurt, por ka optimizëm në Sao Paulo se marrëveshja do të përfundojë para kësaj date./Telegrafi/