Konfirmohet nga Italia: Real Madridi ka tri vite që e ndjek sensacionin e Torinos, dëshiron ta marrë qysh në verë

Gazeta Tuttosport raporton se Real Madridi ka ndjekur Samuele Riccin për tri vitet e fundit dhe Merengues mund të bëjnë një ofertë për të nënshkruar me talentin italian në fund të sezonit.

Klubi spanjoll është i interesuar për talentin e Torinos dhe Italisë dhe gjigantët e La Ligës mund të bëjnë një ofertë në verën e vitit 2025.

Sipas Tuttosport, Merengues e kanë ndjekur Riccin që nga shtatori 2021, kur ai luajti për Empolin. Skautët e Madridit thuhet se filluan të monitoronin mesfushorin qendror pas këshillave të Carlo Ancelottit.

Sipas mediumit, Madridi ndoqi vazhdimisht zhvillimin e Riccit dhe ‘promovimi përfundimtar’ erdhi më 6 shtator pas paraqitjes mbresëlënëse ndërkombëtare të Ricci kundër Francës në Ligën e Kombeve.

Tuttosport shton më tej se Ricci tani është një nga objektivat e Real Madridit për rolin e mesfushës qendrore në vitin 2025, por edhe Manchester City është i interesuar për 23-vjeçarin.

Gazeta me bazë në Torino pretendon se gjigantët e Ligës Premier po planifikojnë të nënshkruajnë me italianin në afatin kalimtar të janarit edhe nëse Granata nuk janë të gatshëm ta shesin atë kaq herët, veçanërisht pas ndarjes me Alessandro Buongiornon dhe Raoul Bellanovan. /Telegrafi/