Milani shpreson të ketë oferta gjatë verës për Theo Hernandezin

Milani thuhet se nuk do t’i ofrojë Theo Hernandez një zgjatje kontrate, që do të thotë se ai do të largohet në verë ose në fund të kontratës së tij në 2026.

Theo Hernandez është i destinuar të largohet nga Milani, qoftë në verë apo si lojtar i lirë në fund të sezonit 2025-2026.

Sipas La Gazzetta dello Sport, kuqezinjtë kanë vendosur të mos i ofrojnë Theos një kontratë të re pasi francezi mori një karton të kuq të shmangshëm kundër Feyenoord, duke kontribuar në eliminim e tyre nga Liga e Kampionëve.

Bisedimet për kontratën mes dy palëve kanë vazhduar për disa muaj, por performancat e përgjithshme të lojtarit këtë sezon nënkuptojnë se Milani nuk do t’i ofrojë atij një zgjatje të kontratës me një rritje page.

Lexo po ashtu Theo Hernandez ndëshkohet me gjobë nga Milani pas kartonit të kuq ndaj Feyenoordi

Mbrojtësi francez u kërkoi falje tifozëve dhe bashkëlojtarëve të mërkurën, por kjo nuk do ta ndryshojë të ardhmen e tij në San Siro.

Milani thuhet se kishte pranuar një ofertë të Comos për Theo në afatin kalimtar të janarit, por francezi refuzoi t’i bashkohej klubit të inkuadruar këtë sezon në Serie A.

Kuqezinjtë duhet të shpresojnë se klubet e tjera do të trokasin në derën e Theos gjatë verës; përndryshe, ata do të jenë të përgatitur ta lënë atë të shkojë si lojtar i lirë brenda një viti. /Telegrafi/