A do të rikthehet Neymar tek Barcelona? Babai i lojtarit sqaron gjithçka

Pas një jave ku pati shumë thashetheme për rikthimin e mundshëm të Neymar tek Barcelona, babai i lojtarit njëherësh edhe agjenti i tij ka mohuar diçka të tillë. 

Neymar u rikthye në Brazil tek klubi i tij i fëmijërisë Santos muajin e kaluar, pasi shkëputi kontratën me Al-Hilal në Superligën e Arabisë, por marrëveshja me Santos është e vlefshme deri në verë. 

Për vite me radhë ishte raportuar se Neymar do të donte rikthimin tek blaugranasit dhe këtë verë duket se është momenti më i përshtatshëm pasi presidenti i Barcelonës, Joan Laporta, raportohet se i ka vendosur atij dy kushte për t’u rikthyer. 

Babai dhe agjenti i tij Neymar Snr, ka shpjeguar në një intervistë se ata po planifikojnë qëndrimin te Santos më gjatë se sa e parasheh kontrata. 

“Projekti ynë nuk është vetëm pesë muaj, ani pse kontrata e djalit tim është vetëm pesë mujore”. 

“Ne nuk erdhëm këtu për të luajtur për pesë muaj, ne erdhëm t’i dhurojmë Santosit mundësinë që të ristrukturohet gjatë kësaj kohe, të gjejë aleatë të cilët mund ta ndihmojnë klubin të ngrihet në këmbë dhe shumë njerëz janë shfaqur”, ka thënë babai i Neymar.

Lexo po ashtu Neymar gjen golin e parë me Santosin pas rikthimit emocional në vendlindje

Barcelona në anën tjetër thuhet se po kërkon një sulmues të majtë dhe braziliani është i etur të rikthejë formën e tij të dikurshme para Kupës së Botës 2026. 

Sidoqoftë, trajneri i tyre Hansi Flick duket se është kundër kësaj ideje pasi ka shqetësime mbi gjendjen fizike të 33-vjeçarit./Telegrafi/