“A ka shpirt ky njeri”, Egli qan me dënesë në krahët e Rozanës pas injorimit të vazhdueshëm të Gjestit në shtëpi

Situata mes Eglit dhe Gjestit është tensionuar ndjeshëm në shtëpinë e Big Brother, duke sjellë një moment të rëndë emocional për banoren.

Pavarësisht përpjekjeve të saj të vazhdueshme për të komunikuar me të, Gjesti ka zgjedhur ta injorojë plotësisht, duke mos i kthyer asnjë fjalë. Ky qëndrim i ftohtë ka ndikuar ndjeshëm tek Egli, e cila nuk ka mundur të përmbajë emocionet.

Teksa ndodhej në dhomën e grimit, ajo shpërtheu në lot në krahët e Rozana Radit, duke shprehur dhimbjen e saj me fjalët: “Kam tre ditë që mezi marr frymë në këtë shtëpi. A ka shpirt ky njeri? Ka tre ditë që dua të iki”.

View this post on Instagram

A post shared by Big Brother Alb VIP Edition (@bigbrotheralb_vip)

Ndërkohë, Gjesti vazhdonte të qëndronte indiferent, i ftohtë dhe i largët, duke hekurosur qetësisht, pa reaguar fare ndaj lotëve të saj.

Lexo po ashtu Gjesti nuk po e honeps, Egli qan e vetme në oborr mes injorimeve të vazhdueshme të tij

Ky moment ka prekur shumë ndjekës të formatit, të cilët kanë shpërthyer me komente në rrjetet sociale, duke shprehur mbështetjen e tyre për Eglin dhe duke kritikuar qëndrimin e pandjeshëm të Gjestit.

Si do të vijojë marrëdhënia e tyre? A do të vendosë Egli të largohet nga loja? Mbetet për t’u parë! /Telegrafi/