Liverpooli ka gjetur zëvendësuesin e Salah – luan në Francë

Sipas mediave angleze, Liverpooli ka gjetur një zëvendësues për Mohamed Salah. Ky është anësori i klubit francez Nice, Mohamed-Ali Cho. 21-vjeçari luan në krahun e djathtë të sulmit dhe Transfermarkt e vlerëson atë me 12 milionë euro.

Por, anglezët vlerësojnë se Liverpooli do të duhet të paguajë të paktën 20 milionë euro dhe theksojnë se ky është një çmim shumë i arsyeshëm për një talent të tillë. Këtë sezon ai ka bërë gjithsej 25 paraqitje në kampionatin francez, kupën dhe Ligën e Evropës. Ai shënoi pesë gola në to dhe asistoi tri herë.

Salah po kalon një nga sezonet më të mira të jetës së tij. Anësori 32-vjeçar egjiptian është golashënuesi më i mirë (21) dhe asistuesi (13) në Ligën Premier, në të cilën Liverpooli po shkon drejt titullit me gjashtë pikë epërsi ndaj Arsenalit, me një ndeshje më pak. Ky mund të jetë edhe sezoni i lamtumirës i Salah me Liverpoolin, me të cilin kontrata i skadon këtë verë.

Sipas disa burimeve saudite, Salah ka rënë dakord për gjithçka me një klub nga liga arabe, por ende nuk dihet se cili. Ekipi, sipas sauditëve, nuk do të zgjidhet nga Salah apo agjentët e tij, por nga shteti.

Përkatësisht, katër klubet më të mëdha atje menaxhohen nga Ministria e Sportit, e cila do të marrë vendimin në interesim të zhvillimit të futbollit saudit. Salah mund të përfundojë në një nga këto katër klube: Al Ahli, Al Ittihad, Al Hilal dhe Al Nassr.

Salah mbërriti te Liverpool në verën e vitit 2017 nga Roma për 42 milionë euro. Ai luajti 377 ndeshje për Reds, duke shënuar 232 gola dhe duke asistuar 105 herë shokët e tij të skuadrës. Skuadra çoi në një titull kampion anglez, si dhe kampionat evropian. /Telegrafi/