Eliot Bujupi shënon gol edhe ndaj Liverpoolit në Ligën e Kampionëve për të rinj

Sulmuesi i Kosovës, Eliot Bujupi ka gjetur përsëri golin me ekipin e tij Stuttgart U19 në UEFA Youth League apo e njohur si Liga e Kampionëve për të rinj.

Stuttgart U19 ka barazuar në shtëpi me Liverpoolin me rezultat 2-2 në ndeshjen e parë të fazës së 1/16-tës, duke kaluar tutje me penallti.

Njëri nga më meritorët në këtë barazim të ekipit gjerman ishte edhe sulmuesi i Kombëtares së Kosovës, Eliot Bujupi.

⏱️ 9′ Yeeessss!! #Bujupi runs through and finishes coolly to give us the lead!! 🙌 #VfBU19 | #VfB | #StuttgartInternational | #VfBLFC 1-0 pic.twitter.com/ilfkne5SNe

— VfB Stuttgart_int (@VfB_int) February 11, 2025

Bujupi gjeti golin e parë të ndeshjes, pasi në minutën e tetë shënoi për epërsinë 1-0 të ekipit të tij.

Golin tjetër për vendasit e shënoi Efe Korkut (12’) për 2-0, ndërsa për Reds shënuan Kieran Morrison (26’) për 2-1 dhe Trent Kone Doherty (45+) për 2-2.

Në pjesën e dytë kishte minuta edhe për Deli Hajdinin, i cili ishte i saktë nga penalltia, sikurse edhe Bujupi, për fitoren 5-3.

Ndryshe, ky ishte goli i pestë i Bujupit në këtë edicion të UEFA Youth League, duke treguar se është një sulmues i madh në ardhje. /Telegrafi/