“Ata duan ta shkatërrojnë futbollin spanjoll” – presidenti i Sevillas i aspër me Real Madridin, ka edhe disa fjalë për Barcelonën

Presidenti i Sevillas, Jose Maria del Nido Carrasco ka akuzuar Real Madridin se po përpiqet të shkatërrojë futbollin spanjoll pas ankesave të tyre për gjykim në Spanjë.

Los Blancos janë përballur me reagime nga shumë klube në Spanjë gjatë javës së kaluar që nga publikimi i një letre të hapur drejtuar Presidentit të Federatës Mbretërore të Futbollit Spanjoll (RFEF) Rafael Louzan , në të cilën e quajnë sistemin ‘të korruptuar’ dhe ‘të manipuluar’ atë të gjykimit.

As Barcelona nuk i shpëtoi zemërimit të Del Nidos . Përpara ndeshjes së tyre të dielën, ai vuri në dukje se nuk do të ulej pranë homologut të Barcelonës, Joan Laporta derisa të kishte një shpjegim të kënaqshëm për 7 milionë euro plus që iu pagua ish-zëvendëspresidentit të Komitetit të Gjyqtarëve, Jose Maria Enriquez Negreira gjatë 17 viteve.

Laporta u rikthye të dielën në stadiumin e Sevillas, ndërsa çështja vijon të hetohet.

“Unë nuk do të ulem në kutinë e drejtorit të Barçës derisa të shpjegojnë pagesat për Negreira. Jemi ende në pritje të sqarimit. Ata nuk i kanë dhënë një shpjegim logjik botës së futbollit për pagesat për zëvendëspresidentin e gjyqtrëve”, deklaroi ai.

Del Nido Carrasco gjithashtu mbështeti presidentin e La Ligës, Javier Tebas, duke thënë se ata do të bënin një ankesë zyrtare për mospajtimin e Real Madridit.

“Deklarata e Real Madridit në lidhje me gjyqtarët është e papranueshme. Vë në pikëpyetje nderin e gjyqtarëve dhe konkurrencës. Duhet të denoncohen sepse sulmuan futbollin. Real Madridi po përpiqet të shkatërrojë futbollin spanjoll”.

Lexo po ashtu Real Madridi përballet me sanksione të mëdha pasi 'shumica e futbollit spanjoll' kërkon ndëshkim gjatë takimit zyrtar

“Real Madridi dëshiron të bëjë presion ndaj gjyqtarëve në mënyrë që ata të mos gjykojnë lirshëm. Pozicioni i Barçës më bie në sy. Nëse Barça nuk ka mbajtur një qëndrim, kjo është sepse ata janë dakord. A e bëjnë vërtet këtë për të mbledhur thërrimet që Real Madridi lë pas?”, deklaroi ai.

Javën e kaluar Los Blancos nuk mori pjesë në një takim midis klubeve, La Liga, RFEF dhe Komitetit të Gjyqtarëve për të sugjeruar përmirësime në gjykimin, megjithëse Barcelona e bëri.

“Barca’s position stands out to me. If Barca have not taken a stance, it is because they agree. Do they really do it to pick up the crumbs that Real Madrid leaves behind?”#SevillaFC President Jose Maria del Nido Carrasco on officiating controversy. pic.twitter.com/0Xa9KmPKpY

— Football España (@footballespana_) February 10, 2025

b

Nuk është ende e qartë se çfarë veprimi mund të përballet Real Madridi si rezultat, por ata kanë tërhequr shumë zemërim nga pjesa tjetër e La Ligës. /Telegrafi/