“Atdheu ynë është atdheu ynë” – reagimi i zyrtarëve palestinezë pas propozimit të Trumpit për zhvendosje të banorëve të Gazës

Reagimi ndaj planit të Trump për Gazën nga autoritetet palestineze, ka qenë i shpejtë dhe jo befasues.

Riyad Mansour, ambasadori palestinez i OKB-së, kundërshtoi me vendosmëri propozimet e zhvendosjes, duke thënë: “Atdheu ynë është atdheu ynë”, transmeton Telegrafi.

“Populli palestinez zgjodhi zgjedhjen për t’u kthyer në të. Ne duhet të respektojmë zgjedhjet dhe dëshirat e popullit palestinez”, tha ai në një video të postuar në X.

“Ata duan të rindërtojnë shkollat, spitalet, rrugët, infrastrukturën, ndërtesat dhe shtëpitë, sepse i përkasin këtij vendi dhe u pëlqen të jetojnë atje”, shtoi ai.

Lexo po ashtu Turqia i quan fjalët e Trumpit për Gazën si 'të gabuara dhe absurde'

“Ata që duan t’i dërgojnë në një vend të këndshëm të lumtur, le të kthehen në shtëpitë e tyre origjinale brenda Izraelit”, theksoi ndër tjera Mansour.

Organizata për Çlirimin e Palestinës, e cila njihet ndërkombëtarisht si përfaqësuese e popullit palestinez, ripohoi mbështetjen e saj për zgjidhjen me dy shtete.

Hussein Sheikh, sekretari i përgjithshëm i saj, tha se ishte një zgjidhje që do të garantonte “siguri, stabilitet dhe paqe”. /Telegrafi/

“For those who want to send the Palestinian people to a ‘nice place’, allow them to go back to their original homes in what is now Israel…the Palestinian people want to rebuild Gaza because this is where we belong.” pic.twitter.com/T8i7ZwDhLQ

— State of Palestine (@Palestine_UN) February 4, 2025