Ibrahimovic i përgjigjet Ronaldos rreth Superligës së Arabisë dhe Ligue 1

Portugezi Cristiano Ronaldo pak ditë më parë tha se Superliga e Arabisë Saudite është më e mirë se Ligue 1, pas së cilës u kërkua nga Zlatan Ibrahimovie të komentojë deklaratën e tij.

Ronaldo theksoi se është e vështirë të sprintosh në temperatura të larta dhe se Ligue 1 ka vetëm PSG duke shkaktuar shumë polemika.

“Liga saudite është më e mirë se Ligue 1 dhe nuk po e them këtë sepse unë luaj këtu. Nuk më intereson shumë se çfarë mendojnë njerëzit, lojtarët duhet të vijnë këtu dhe ata do ta shohin shumë shpejt. Thjesht lërini të provojnë sprintin në 38, 39 ose 40 gradë celsius. Ejani dhe shikoni. Nëse nuk më besoni, ata kanë vetëm PSG. Askush nuk mund ta mposhtë PSG-në sepse ata kanë më shumë para dhe lojtarët më të mirë”, ka deklaruar Ronaldo.

Saudi League 🇸🇦 > Ligue 1 🇫🇷. pic.twitter.com/TFu4bxxYfJ

— TCR. (@TeamCRonaldo) January 8, 2025

Ai ka marrë shpejt një përgjigje nga Ligue 1, e cila ka postuar një foto të Lionel Messit me kupën e destinuar për fituesin e Kampionatit Botëror.

“Leo Messi luan në 38 gradë celsius”, thuhet në njoftimin e Ligue 1 krahas një fotoje të ish-lojtarit të Barcelonës dhe PSG-së duke festuar titullin e Kupës së Botës me Argjentinën të fituar në Katar në vitin 2022.

Lexo po ashtu Ligue 1 me një përgjigje thumbuese për Ronaldon, postojnë foton e Messit duke e quajtur më të mirin e të gjitha kohërave

Si të mos u mjaftonte kjo, përshkrimit të përmendur i kanë shtuar edhe një emojo dhie që simbolizon “më të mirin e të gjitha kohërave”.

Jo shumë kohë më vonë, Ronaldo mori një përgjigje edhe nga legjenda suedeze, Zlatan Ibrahimovi.

“Nuk ka asgjë për t’u përgjigjur këtu. PSG është një nga klubet më të mëdha evropiane dhe luan në një ligë shumë të mirë. Ndoshta vetëm Spanja dhe Anglia mund të thonë se kanë liga më të forta se Franca. Unë nuk mundem dhe as nuk dua. Për t’iu përgjigjur gjërave të tilla, nuk do të humbas kohën time për gjëra të tilla”, u përgjigj Ibrahimovic. /Telegrafi/