Barcelona pritet ta kompletojë marrëveshjen për huazimin e Rashford javën e ardhshme

Barcelona thuhet se po kërkon të sjellë të paktën një lojtar këtë muaj, me Marcus Rashford që ndodhet në krye të listës së dëshirave.

27-vjeçari pritet të largohet nga Manchester United në formë huazimi dhe Barcelona e sheh atë si një opsion real për ta forcuar repartin ofensivë.

Megjithatë, ata do të duhet të largojnë të paktën një lojtar përpara se të arrihet ndonjë marrëveshje.

Rashford thuhet se është i hapur për një lëvizje te Barcelona dhe bisedimet pritet të vazhdojnë javën e ardhshme, sipas Relevo.

Lexo po ashtu Ylli i Barcelonës mund të kalojë tek Man United në shkëmbim me Rashford

Barcelona po monitoron nga afër situatën, pasi edhe Milani është i interesuar për nënshkrimin e anglezit.

Hansi Flick thuhet se ka dhënë miratimin e tij që Barcelona të ndjekë Rashford. Menaxheri e sheh atë si një shtesë të fortë për skuadrën e tij, megjithëse përfundimi i marrëveshjes në javët e ardhshme do të jetë i vështirë.

Lexo po ashtu Zlatan Ibrahimovic tregon nëse Milani do ta transferojë Marcus Rashfordin

Shpresat e Barcelonës për nënshkrimin e Rashford varen nga fakti nëse ata mund të bëjnë vend në skuadrën e tyre për një ardhje të re.

Mbetet për t’u parë nëse ata mund ta finalizojnë marrëveshjen para fundit të afatit kalimtar të janarit. /Telegrafi/