LAJMI I FUNDIT:

Nga debatet politike, sondazhet e deri te reklamimi politik- çka parasheh Rregullorja e KPM-së për mediat? Flasin Jeton Mehmeti e Ardita Zejnullahu

Nga debatet politike, sondazhet e deri te reklamimi politik- çka parasheh Rregullorja e KPM-së për mediat? Flasin Jeton Mehmeti e Ardita Zejnullahu

Në episodin e parë të sezonit të dytë të “Përballje Podcast” në Telegrafi.com është është diskutuar për Rregulloren e Komisionit të Pavarur për Media që është miratuar të hënën.

Kjo Rregullore synon implementimin e Kapitullit VIII “Mediat gjatë fushatës së zgjedhjeve”, të Ligjit për Zgjedhjet e Përgjithshme, që përcakton obligimet e medieve ndaj subjekteve politike gjatë fushatës zgjedhore.

Përmes dispozitave të kësaj Rregulloreje, mes tjerash përcaktohet edhe qasja e drejtë dhe e paanshme nga mediet gjatë fushatës së zgjedhjeve


Kryetari i KPM-së, Jeton Mehmeti në “Përballje Podcast” në Telegrafi me kryeredaktorin Muhamet Hajrullahu ka treguar risitë që përmban kjo Rregullore.

Jeton Mehmeti, Kryetar i KPM-së në “Përballje Podcast”, Foto: Ridvan Slivova

Mehmeti u shpreh se kjo është Rregullore e re, e cila ka filluar të hartohet të diskutohet prej muajit shtator dhe përfundimisht të hënën është miratuar në Komisionin e Pavarur për Media.

“Kjo rregullore synon që të vë njëfarë barazie në qasjen e partive politike në transmetuesit televizivë dhe në radio, një lloj trajtimi të barabartë të subjekteve politike, pavarësisht peshës politike që kanë sepse kështu e kërkon edhe ligji dhe duke marrë parasysh edhe një obligim shtesë që na jep ligji neve si KPM që na ka lënë në kompetencën tonë e që është kufizimi i hapësirës reklamuese që mund t’i shitet secilit subjekt politik”, ka thënë Mehmeti.

Kryetari i KPM-së, tutje ka shtuar se është dashur që të diskutojmë, të dialogojnë me industrinë, me ata të cilët preken prej kësaj, në kuptimin që të gjejnë një formulë sa më të përshtatshme për të gjithë palët, duke respektuar në të njëjtën kohë edhe obligimet ligjore.

“Risi të cilat i sjell kjo rregullore është që nga 24 orëshi i programit që kanë televizionet dhe radiot, gjatë periudhës së fushatës zgjedhore, pra gjatë 30 ditëve në këtë 24 orësh duhet ta ndajë në dy pjesë, në 12 orë, të cilat i kanë në dispozicion për të mbuluar aktivitetet e fushatës dhe nga ato 12 orë, që fillojnë nga ora 12:00 e mesditës deri në orën 24:00, aty mund mediat të pasqyrojnë aktivitetet që ndërlidhen me fushatën”, ka deklaruar Mehmeti.

Çështje tjera që parashihen përmes kësaj Rregulloreje janë edhe parandalimi i konfliktit të interesit, monitorimi i ditarëve nga KPM, monitorimi i zbatimit të Rregullores, trajtimi i ankesave nga ana e KPM-së, si dhe publikimi i raportit përfundimtar nga KPM.

Për miratimin e kësaj rregulloreje dhe ndikimin që mund të ketë në media ka folur edhe Ardita Zejnullahu, drejtore ekzekutive e Asociacionit të Mediave të Pavarura Elektronike të Kosovës.

Zejnullahu në “Përballje Podcast”  u shpreh se janë disa ndryshime të reja që kanë ndodhë me miratimin e kësaj rregulloreje, ku bëhet fjalë për shitjen e sasisë së kohës që mediat e bëjnë për partitë politike.

Ardita Zejnullahu, Drejtore Ekzekutive e AMPEK në “Përballje Podcast”,  foto: Ridvan Slivova

“Nga ajo çka prezantoi Jetoni, domethënë me ndryshimet e reja që kanë ndodhë në ligj ka qenë çështja më diskutabile edhe që për herë të parë është vënë në funksion këtu në Kosovë, blerja, respektivisht shitja e sasisë së kohës në të cilën mediat ia shesin partive politike apo të cilën partitë politike e blejnë prej mediave. Të gjitha mediat kanë qenë njëzëri të mos caktohet orari prej kur duhet të shitet ajo kohë, e nga ajo çka tha Jetoni, duket se orari paska mbetur”, theksoi ajo.

Zejnullahu shprehu edhe disa shqetësime rreth orarit të planifikuar.

“Realisht mu po më brengos që ky lloj i orarit të kufizuar prej orës dymbëdhjetë në njëzet e katër, që në njëfarë forme paska mbet. Për faktin se ligji nuk e kërkonte në atë formë, më tepër ka qenë insistimi i KPM-së”, u shpreh Zejnullahu.

Foto: Ridvan Slivova

Ndryshe, me miratimin e rregullores parashihet që mediet të cilat vendosin të organizojnë programin e tyre gjatë fushatës zgjedhore, duhet të deklarohen tek KPM nëse do të mbulojnë fushatën jo më larg se shtatë ditë kalendarike para fillimit të fushatës zgjedhore.

“Përballje Podcast” është realizuar me mbështetjen e Institutit Kombëtar Demokratik (NDI) dhe Agjencisë së Shteteve të Bashkuara për Zhvillim Ndërkombëtar (USAID), në Kosovë. Opinionet e shfaqura në këtë podcast nuk pasqyrojnë domosdoshmërish pikëpamjet dhe qëndrimet e NDI dhe USAID. /Telegrafi/

Në trend Lajme

Më shumë
31 vjet burgim efektiv, 6 me kusht dhe 171 mijë euro gjobë ndaj 11 të akuzuarve në rastin “Subvencionet 1”

31 vjet burgim efektiv, 6 me kusht dhe 171 mijë euro gjobë ndaj 11 të akuzuarve në rastin “Subvencionet 1”

Drejtësi
Këto janë adresat e kutive postare në 23 shtete për votimin jashtë Kosovës

Këto janë adresat e kutive postare në 23 shtete për votimin jashtë Kosovës

Politikë
Policia zbulon detaje nga rasti i vajzës që kërkoi ndihmë në Astir, në banesën ngjitur gjenden armë dhe gjurmë kokaine

Policia zbulon detaje nga rasti i vajzës që kërkoi ndihmë në Astir, në banesën ngjitur gjenden armë dhe gjurmë kokaine

Lajme
Pranohen me shkrim deklaratat e dy dëshmitarëve në rastin e ish-krerëve të UÇK-së, do të merren në pyetje nga mbrojtja

Pranohen me shkrim deklaratat e dy dëshmitarëve në rastin e ish-krerëve të UÇK-së, do të merren në pyetje nga mbrojtja

Drejtësi
Keith Self në krye të Nënkomitetit për Evropën, Kurti shpreh mirënjohje

Keith Self në krye të Nënkomitetit për Evropën, Kurti shpreh mirënjohje

Lajme
Ramadani, ministrit Maqedonci: Publikoje letrën që ia keni dërguar komandantit të KFOR-it

Ramadani, ministrit Maqedonci: Publikoje letrën që ia keni dërguar komandantit të KFOR-it

Lajme
Kalo në kategori