Çfarë dëme shkaktoi uragani Milton në Florida?

Uragani Milton ishte një stuhi vdekjeprurëse dhe shkatërruese – por rritja katastrofike e ujit që i kishin frikë nuk ndodhi.

Megjithatë, në 12 orë duke kaluar Floridan qendrore, Milton mori jetë dhe dëmtoi ndërtesa me reshjet intensive dhe erërat e fuqishme, shkruan skynews.

Ja një vështrim në disa nga ndikimet e raportuara deri më tani:

Të paktën 11 persona u vranë, disa nga tornadot;

Kishte 19 tornado të konfirmuara dhe 45 raportime;

Më shumë se 3.4 milionë qytetarë janë pa energji elektrike, sipas shërbimit të gjurmimit PowerOutage.us;

Milton shkatërroi të paktën 100 shtëpi dhe la një vrimë të hapur në çatinë e një stadiumi bejsbolli në Shën Petersburg;

Stuhia rrëzoi pemë, hodhi mbeturina nëpër rrugë, rrëzoi linjat e energjisë elektrike dhe përplasi një vinç ndërtimi me një ndërtesë;

Disa lagje u përmbytën;

Rritja më e keqe e stuhisë dukej të ishte në kontenë Sarasota;

Stuhia u përcoll nga pothuajse gjysmë metër shi në disa zona;

Të paktën 340 njerëz dhe 49 kafshë shtëpiake u shpëtuan në operacionet e vazhdueshme të kërkim-shpëtimit. /Telegrafi/