“Është e trishtueshme për një futbollist pasi fiton milionat çdo vit” – Moggi e godet keq Koopmeinersin për strategjinë e tij

Luciano Moggi foli për rastin Teun Koopmeiners në Libero, ku kritikoi qasjen e tij ndaj Atalantas, pasi lojtari holandez përdori një certifikatë mjeku për të mos u paraqitur në stërvitje. 

Juventusi dhe Atalanta janë në bisedime tash e një kohë të gjatë për mesfushorin, por klubi bergamas po heziton të pranojë ofertat e bardhëezinjëve.    

Koopmeiners ka paraqitur tri herë certifikatë mjeku ku shkruhej se lojtari nga stresi nuk mund të stërvitet, duke munguar edhe në Superkupën e Evropës ndaj Real Madridit. 

Ish-drejtuesi i Juventusit, Luciano Moggi, ka folur për këtë situatë, duke e goditur keq lojtarin.    

“Duke folur për certifikatat mjekësore, është e trishtueshme që një futbollist, i cili është një punonjës duke pasur parasysh milionat që fiton çdo vit, duhet t’i përdorë ato”.  

Lexo po ashtu Mori tri herë leje speciale nga mjeku - tani Koopmeiners mund të kthehet në stërvitje me Atalantan edhe pse është më afër se kurrë Juventusit

“Është edhe më e trishtueshme që ata që i shfaqin (Koopmeiners) janë në gjendje të shkëlqyer shëndetësore, por nuk duan të luajnë Superkupën e Evropës me ekipin e tyre, për të shkuar diku tjetër (Juventus)”.  

“Një mungesë totale e asaj se ku është, një ofendim për shokët e skuadrës që fituan Ligën e Evropës me të, por edhe një paralajmërim për tifozët në përgjithësi”.  

“Disa futbollistë kanë një ndjenjë të ndryshme përkatësie dhe respekti që nuk pasqyron me atë të atyre që shkojnë në stadiume. Një falënderim për Dybalan është një domosdoshmëri”, deklaroi Moggi. 

Juventusi shpreson që ta mbyll transferimin e Koopmeiners para mbylljes së afatit kalimtar. /Telegrafi/