Dështon transferimi i Armando Brojës te Ipswich Town

Sulmuesi shqiptar i Chelseat, Armando Broja ishte afër të transferohej te Ipswich Town, por transferimi i tij thuhet se ka dështuar tashmë.

Para disa ditësh në mediat angleze u raportua se Chelsea dhe Ipswich Town kanë arritur marrëveshje për Brojën, i cili do të huazohej me obligim blerje për 35 milionë euro nëse klubi i inkuadruar këtë sezon do të siguronte mbijetesën në Ligën Premier.

Sky Sports gjithashtu raportoi se sulmuesi shqiptar ka kaluar me sukses testet mjekësore dhe mbetej vetëm edhe zyrtarizimi i transferimit.

Megjithatë, gazetari i The Guardian, Jacob Steinberg ka raportuar sot (e shtunë) se transferimi i Brojës te Ipswich Town ka dështuar tashmë.

Armando Broja’s loan move to Ipswich is in danger of collapsing over paperwork issues. Chelsea have been looking to move the Albania striker, who has interest from Everton. Deal not off but Ipswich are considering alternative forwards. Story on @guardian_sport soon #cfc

— Jacob Steinberg (@JacobSteinberg) August 24, 2024

“Huazimi i Armando Brojës te Ipswich rrezikon të dështoj për çështjet e dokumenteve, por jo për fajin e Chelseat. Ipswich po konsideron sulmues alternativë për ekipin e McKenna”, shkruan The Guardian.

Ndryshe, Broja nuk është pjesë e planeve të Enzo Maresca në Chelsea, i cili është përpjekur të gjejë një blerës për produktin e akademisë. Everton ka monitoruar situatën dhe mund të lëvizë për shqiptarin nëse shesin Beto ose Neal Maupay. /Telegrafi/

🚨🚜 Armando Broja’s move to Ipswich Town from Chelsea could collapse as there are issues after formal steps in last 48h.

Unlikely to happen at this stage with all parties now exploring different solutions as @JacobSteinberg reports. pic.twitter.com/clQ6Snz1BN

— Fabrizio Romano (@FabrizioRomano) August 24, 2024