Ndryshime të mëdha brenda natës – Dybala dhe Roma refuzojnë ofertën arabe, lojtari konfirmon qëndrimin

Në një kthesë të bujshme ngjarjesh, Paulo Dybala dhe Roma kanë vendosur të refuzojnë ofertën e Al-Qadsiah dhe argjentinasi do të qëndrojë në Olimpico. 

Lojtari u kishte dhënë lamtumirën e tij sot në terrenin stërvitor të Trigoria, si tifozëve, bashkëlojtarëve dhe stafit , ​​me shpresën e plotë se ai nuk do të kthehej më.

Megjithatë, këtë mbrëmje Fabrizio Romano, Sky Sport Italia dhe Sportitalia, pohojnë se negociatat u anuluan dhe lojtari do të qëndrojë.

Mediat kanë versione paksa të ndryshme lidhur me atë se kush u tërhoq nga marrëveshja, disa thonë se ishte Dybala ai që hodhi poshtë pagën prej 75 milionë eurosh gjatë tre viteve, të tjerë se Roma nuk ishte e kënaqur që paguhej vetëm 3-4 milionë euro plus bonuse për yllin.

Cilido qoftë shkaku i prishjes, si lojtari ashtu edhe Roma vendosën se do të donin të përpiqeshin të vazhdonin së bashku për këtë sezon.

Lojtari kishte një klauzolë lirimi prej 12 milionë euro në kontratën e tij që skadoi më 31 korrik dhe marrëveshja e tij aktuale shkon vetëm deri në fund të sezonit, por ekziston një opsion për t’u zgjatur automatikisht me një vit me të njëjtën pagë.

View this post on Instagram

A post shared by Paulo Dybala (@paulodybala)

Këtë e ka bërë të ditur argjentinasi me një video në Instagramin e tij, me një mesazh ku shkruan: “Faleminderit Roma. Shihemi të dielën”. /Telegrafi/