Trump e përmendi dy herë një fjalë që “nuk duhet ta thoshte” gjatë fjalimit në Konventën Kombëtare Republikane

Duket se Donald Trump nuk mund të mos shkonte jashtë skenarit gjatë fjalimit të tij jashtëzakonisht të gjatë në Konventën Kombëtare Republikane (RNC), duke shqiptuar të vetmen fjalë që burimet pranë tij thanë se ai nuk do ta bënte.

Bëhet e ditur se ish-presidenti nuk po planifikonte të përmendte presidentin Joe Biden me emër gjatë fjalimit të tij, mes shtytjes së supozuar për unitet pas atentatit ndaj tij.

Përpara fjalimit, “burime të larta” u kishin thënë gazetarëve se Trump nuk do ta përmendte Joe Biden, si pjesë e fokusit të tij tek bashkimi, shkruan yahoonews, përcjell Telegrafi.

Për planin foli edhe këshilltarja e lartë e fushatës së Trumpit, Danille Alvarez.

Lexo po ashtu Trump në fjalimin e parë pas atentatit ndaj tij: Biden do të nis Luftën e Tretë Botërore

Por, në më pak se gjysmën e fjalimit të tij të zhurmshëm 92-minutësh që pranoi nominimin presidencial republikan, Trump e përmendi Bidenin dy herë, ndërsa e kritikoi atë si “një ndër presidentët më të këqinj”.

“Do ta përdor termin vetëm një herë: Biden. Nuk do ta përdor më emrin. Vetëm një herë. Dëmi që ai i ka bërë këtij vendi është i paimagjinueshëm”, tha Trump.

Ndryshe, pas atentatit të javës së kaluar, Trump tha se kishte në plan të ndryshonte plotësisht fjalimin e tij origjinal të RNC sepse i ishte dhënë një mundësi për të “bashkuar vendin”.

Siç raportohet, ish-presidenti e filloi fjalimin e tij me një ton më të përmbajtur ndërsa diskutoi për vdekjen e tij, por ai u kthye në veprimet e tij të zakonshme brenda 20 minutave. /Telegrafi/