Për më shumë se 60 vjet, studiuesit janë përpjekur të gjejnë një provë të vetme bindëse për të mbështetur idenë se ne ndajmë universin me qenie të tjera inteligjente.
Me gjithë këto dekada përpjekjesh, ata nuk kanë arritur të krijojnë asnjë lloj kontakti.
Por, gjuetia për qytetërimet aliene mund të jetë duke hyrë në një epokë të re, besojnë studiuesit.
Shkencëtarët e Breakthrough Listen, programit më të madh të kërkimit shkencor në botë i dedikuar gjetjes së qytetërimeve aliene, thonë se një mori zhvillimesh teknologjike janë gati të transformojnë kërkimin e jetës inteligjente në kozmos.
Bëhet e ditur se këto risi do të përshkruhen në konferencën vjetore të grupit, e cila do të mbahet për herë të parë në Oksford të Mbretërisë së Bashkuar, këtë javë. Aty pritet të marrin pjesë qindra shkencëtarë, nga astronomët tek zoologët.
Astronomi Steve Croft, shkencëtar i projektit të Breakthrough Listen, tha: “Ka teknologji të mahnitshme që janë në zhvillim e sipër, si ndërtimi i teleskopëve të rinj të mëdhenj në Kili, Afrikë, Australi, si dhe zhvillime në AI. Ata do të transformojnë mënyrën se si ne kërkojmë qytetërime aliene”.
Ndër këto instrumente të reja janë radioteleskopi më i fuqishëm në botë: Array Kilometer katror, i përbërë nga qindra radio teleskopë që po ndërtohen tani në Afrikën e Jugut dhe Australi, dhe Observatori Vera Rubin që po ndërtohet në Kili.
I pari do të bëhet objekti më i fuqishëm i radioastronomisë në botë, ndërsa i dyti, kamera më e madhe në botë, e cila do të jetë në gjendje të vëzhgojë të gjithë qiellin e dukshëm çdo tre ose katër netë dhe pritet të ndihmojë në zbulimin e miliona galaktikave dhe yjeve të reja.
Siç raportohet, të dy objektet janë vendosur të fillojnë vëzhgimet në vitet e ardhshme dhe të dyja do të ofrojnë të dhëna për Breakthrough Listen, shkruan the Guardian, përcjell Telegrafi.
Ndërkohë, përdorimi i Inteligjencës Artificiale për të analizuar këto rryma të mëdha informacioni që do të zbulonin prova të jetës inteligjente do t’i jap fuqi të shtuar kërkimit të qytetërimeve aliene.
“Deri më tani, ne kemi qenë të kufizuar në kërkimin e sinjaleve të dërguara qëllimisht nga alienët për të treguar ekzistencën e tyre. Teknikat e reja do të jenë aq të ndjeshme sa për herë të parë, ne do të jemi në gjendje të zbulojmë transmetimet e paqëllimshme në krahasim me ato të qëllimshme dhe do të jemi në gjendje të dallojmë radarët e aeroportit të huaj, ose transmetuesit e fuqishëm televiziv”, tha Croft.
Rëndësia e aftësisë për të zbuluar qytetërimet nga aktiviteteve të tyre të përditshme mbështetet nga astrofizikani Prof. Adam Frank i Universitetit të Rochester në New York.
“Duke kërkuar aktivitete të përditshme të një shoqërie aliene, të njohura si nënshkrime teknologjike, ne po ndërtojmë mjete krejtësisht të reja për të gjetur jetë inteligjente, që ndërton qytetërim”, shkruan Frank në librin e tij të ri, The Little Book of Aliens.
Të gjitha llojet e nënshkrimeve teknologjike janë sugjeruar si tregues të pranisë së qytetërimeve aliene, nga ndriçimi artificial deri te ndotja atmosferike.
Disa shkencëtarë kanë sugjeruar madje se qytetërimet aliene mund të dallohen nga panelet diellore që ata kanë ndërtuar.
Panelet diellore thithin dritën e dukshme, por reflektojnë fuqishëm rrezatimin ultravjollcë dhe rrezet infra të kuqe, të cilat mund të zbulohen duke përdorur një teleskop të fuqishëm.
Megjithatë, kjo do të ishte e mundur të dallohej vetëm nëse pjesë të mëdha të sipërfaqes së një planeti do të ishin mbuluar në ferma diellore dhe qindra orë kohë vëzhgimi do t’i kushtoheshin një kërkimi të tillë, sipas astrobiologus Lewis Dartnell.
Përpjekjet e tjera të alienëve për të kapur rrezatimin diellor mund të jenë edhe më të përpunuara dhe më të dukshme.
Fizikani amerikan Freeman Dyson dikur propozoi se disa qytetërime mund të avancoheshin mjaftueshëm për të ndërtuar grupe të mëdha panelesh diellore që rrethojnë yjet e tyre.
Ndryshe, gjuetia për qytetërimet e huaja filloi seriozisht në vitin 1960 kur astronomi Frank Drake përdori një radio teleskop 26 metra për të kërkuar sinjale të mundshme nga yjet Tau Ceti dhe Epsilon Eridani.
Croft mbetet optimist se së shpejti do të kemi sukses në krijimin e kontakteve me “të huajt”.
“Ne e dimë se kushtet për jetë janë kudo, ne e dimë se përbërësit për jetën janë kudo”, tha Croft.
“Unë mendoj se do të ishte thellësisht e çuditshme nëse do të rezultonte se ne ishim i vetmi planet i banuar në galaktikë ose në univers. Por ju e dini, është e mundur”, shtoi ai. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Pas muajsh pritjeje, NATO do të dërgojë aeroplanët e parë luftarakë F-16 në Ukrainë
Trump habit me thirrjen drejtuar mbështetësve të tij: “Dilni dhe votoni, pasi nuk do t’iu duhet ta bëni më”
Një raketë e pashpërthyer e Luftës së Dytë Botërore gjendet në një fshat në Poloni, nis evakuimi i banorëve
Trump po ‘harron’ që Harris është e martuar me një hebrenj - mundohet ta paraqes demokraten si antisemite
"Heroi rus i luftës në Ukrainë" rrahet për vdekje në stacionin policor në Rusi
Macron dhe presidenti argjentinas “shikim plot urrejtje” - liderët takohen në një kohë kur marrëdhëniet mes tyre janë në nivelin e ulët
Skenë joreale në Kroaci - gurët rrjedhin poshtë malit sikur një lumë
Biden po përgatit një plan reformash që nuk do t'i pëlqejnë Trumpit
Mediat serbe publikojnë detaje të reja rreth vrasjes së Faton Hajrizit në Serbi
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë