​Osmani takon Hovenierin: Dialogu i barabartë me Serbinë vetëm pas heqjes së sanksioneve të BE-së

Presidentja e Kosovës Vjosa Osmani ka pritur sot në takim të rregullt ambasadorin e Shteteve të Bashkuara të Amerikës në Prishtinë, Jeffrey Hovenier, me të cilin ka diskutuar mbi zhvillimet e fundit në vend, përfshirë dialogun me Serbinë.

Në këtë drejtim, presidentja Osmani ritheksoi rëndësinë e largimit të masave për të krijuar një situatë të barabartë në tryezën e dialogut.

Osmani dhe Hovenier diskutuan edhe për koordinimin e agjendës ndërkombëtare të parë së shtetit tonë.

Në prag të 4 Korrikut, Ditës së Pavarësisë së SHBA-së, presidentja Osmani përcolli urimet më të mira për popullin amerikan, duke ri-konfirmuar përkushtimin e Kosovës për forcimin e vazhdueshëm të aleancës me SHBA-në.

Lexo po ashtu Osmani: Sllovenia është aleate dhe mbështetëse e palëkundur e Kosovës

Presidentja e Republikës së Kosovës, Vjosa Osmani, ka pritur në takim edhe ambasadorin e Republikës së Turqisë në Kosovë, Sabri Tunç Angılı.

Si[pas njoftimit të Presidencës, në takim u diskutua për zhvillimet e fundit në vend, si dhe për raportet bilaterale Kosovë-Turqi.

“Presidentja Osmani ka theksuar përkushtimin e Republikës së Kosovës për intensifikim të bashkëpunimit me Turqinë, në fusha të ndryshme, përfshirë ekonominë, mbrojtjen dhe politikën e jashtme. Presidentja Osmani, po ashtu, potencoi rolin e rëndësishëm të komunitetit turk në Kosovë”.

Lexo po ashtu 'Zbatim urgjent' të marrëveshjes, të martën takimi i kryenegociatorëve në Bruksel

Presidentja Osmani dhe ambasadori Tunç Angılı diskutuan edhe për anëtarësimin e Kosovës në organizata ndërkombëtare, me ç’rast Presidentja e falënderoi Turqinë për mbështetjen e vazhdueshme./Telegrafi/