Zvicra e vështirëson kalimin e fazës së grupeve me barazimin ndaj Skocisë

Zvicra ka barazuar 1-1 me Skocinë në rrethin e dytë të fazës së grupeve në Euro 2024, përkatësisht në Grupin B.

Një fitore për Helvetikët do të thoshte kalimin në fazën e eliminimit direkt, por tani u ka vështirësuar gjërat vetës.

Pas vetëm 13 minutash, Zvicra pësoi një auto-gol nga Fabian Schar që nuk ia doli të devijonte goditjen e Scott McTominayt.

Lexo po ashtu Kthehet njeriu i super-golave: Xherdan Shaqiri “bombardon” Skocinë

Por, Xherdan Shaqiri i barazoi shifrat në 1-1 me një super gol nga distanca në minutën e 26-të.

Zvicra ishte e pafat në minutën e 33-të, pasi VAR-i e anuloi golin e Dan Ndoye për pozicion jashtë loje.

Pjesa e dytë ishte dramatike, por që gola nuk kishte.

Lexo po ashtu Xherdan Shaqiri futet në librin e rekordeve me euro-golin ndaj Skocisë

Zvicra filloi me dominim të lehtë, por Skocia i shkaktoi shumë vështirësi.

Në minutën e 58-të, Ndoye nuk ia doli të shënonte nga afërsia, duke e gjuajtur topin ngjitur shtyllës së majtë.

Grant Hanley (67’) rrezikoi për Skocinë, por që mbrojta e Helvetikëve ishte e pathyeshme.

EMBOLO won and found Ari off side
Live#Scotland 1-1 #Switzerland#Scotland 1-1 #Switzerland pic.twitter.com/QxpT2O9cf5

— MP NICE TOP 🐐 (@mp_nice_38) June 19, 2024

Breel Embolo mendoi se kishte shënuar për 201 në minutën e 83-të, por që ai ishte në pozicion jashtë loje.

Gjermania tashmë e kualifikuar është lidere e Grupit A me gjashtë pikë, Zvicra me katër, Skocia me një dhe Hungaria e eliminuar pa pikë. /Telegrafi/