Goditje e madhe, mbrojtësi i Atalantës këput ligamentet dhe humb Kampionatin Evropian

Atalanta dhe Kombëtarja e Italisë kanë marrë një lajm të rëndë të hënën në mesditë, pasi Giorgio Scalvini ka pësuar një lëndim të rëndë.

Kësisoj pas Francesco Acerbit që u largua nga kampi italian, edhe Scalvini ka humbur sezonin.

Futbollisti ka pësuar një këputje të ligamentit të gjurit dhe ndonëse pritet ende t’i nënshtrohet rezonancës magnetike, tashmë është e sigurt mungesa e tij në Gjermani.

Lexo po ashtu Mbrojtësi i Interit humb pjesëmarrjen në Euro 2024, Spalletti nuk humb kohë dhe fton një tjetër lojtar

Nëse konfirmohet dëmtimi i rëndë, atëherë Scalvini do të duhet t’i nënshtrohet operacionit dhe të qëndrojë larg fushave deri në fillim të vitit të ardhshëm.

Por edhe nëse më e keqja është shmangur, mbrojtësi nuk do të mund të udhëtojë drejt Gjermanisë.

Lexo po ashtu Italia publikon listën paraprake përpara Euro 2024, Spalletti me disa befasi

Mediat italiane bëjnë me dije se Spalletti pritet të thërrasë mbrojtësin e Juventusit, Gatti për t’u bashkuar në grumbullim, pasi ka humbur tashmë dy qendërmbrojtës me mjaft peshë.

Scalvini u dëmtua në ndeshjen mes Atalantës dhe Fiorentinës, e fundit e sezonit 2023-2024 në Serinë A dhe u largua me ndihmën e stafit mjekësor.

Ky lëndim komplikon edhe të ardhmen e tij, pasi shumë klube kishin kërkuar informacion te Atalanta për blerjen e kartonit të Scalvinit. /Telegrafi/