Në seancën e Këshillit të Sigurimit të Organizatës së Kombeve të Bashkuara, u diskutua edhe për gjendjen aktuale në Kosovë.
Zëvendëspërfaqësuesi i Përhershëm i SHBA-së në OKB, Robert Wood, mori fjalën për të adresuar disa nga çështjet më të nxehura që prekin stabilitetin në Kosovë.
Një temë e nxehtë e debatit ishte mungesa e progresit në gjetjen dhe ndjekjen penale të përgjegjësve të sulmit të Banjskës, që ndodhi më 24 shtator të vitit të kaluar.
Wood theksoi pasivitetin e autoriteteve serbe në këtë çështje, veçanërisht në lidhje me figura kyçe si Milan Radoiçiq, i cili është etiketuar si lider i proklamuar i serbëve.
“Është kritike që Serbia të punojë me KFOR-in për ta parandaluar edhe një sulm tjetër sikur ai i shtatorit të vitit 2023,” pohoi ai, duke nënvizuar nevojën për veprime konkrete dhe bashkëpunim.
Gjithashtu, Wood ngjalli një çështje tjetër të ndjeshme që lidhet me të drejtat e njeriut dhe lirinë e lëvizjes.
Ai shprehu shqetësimin e tij për ngjarjet e javës së kaluar, ku qytetarët e Kosovës, përfshirë serbët që janë pjesë e Policisë së Kosovës, u ndaluan nga autoritetet serbe në kufirin me Kroacinë.
Këto veprime u cilësuan nga përfaqësuesi i SHBA-së si kërcënim i lirisë së lëvizjes dhe si një shkelje e qartë e të drejtave të qytetarëve të Kosovës.
“Jemi të shqetësuar me mungesën e lirisë së lëvizjes për qytetarët e Kosovës që po hynin në Serbi,” theksoi Wood, duke bërë thirrje për respektim të plotë të këtyre të drejtave dhe për një përmirësim të menjëhershëm të situatës./Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251