Arifi: Nëse nuk dërgohet Asociacioni në Kushtetuese, Kosova nuk do të anëtarësohet në KiE

Analisti Avni Arifi ka thënë se absurdi më i madh është se Serbia po jep vit për vit 800 milionë euro.

Sipas tij, qëllimi i Serbisë nuk është veriu, dhe nuk ka qenë kurrë.

“Qëllim i tyre është me marrë Kosovën. Sepse përndryshe kurrë një shtet si Serbia nuk i jep 800 milionë euro për therra të Leposaviçit”.

Analisti tutje tha se nëse nuk dërgohet Asociacioni në Gjykatën Kushtetuese, Kosova nuk do të anëtarësohet në KiE.

‘Kosova ka marrë obligime, nuk ka rëndësi se kush ka me implementu, ndoshta pas Kurtit do të vijë dikush që ka me u detyru me implementu. Kurse për masave dhe ndëshkimet, si një ‘dorëzim ‘ i Bashkimit Evropian ndaj një procesi që po dështon”.

Lexo po ashtu A mund të vihet Asociacioni si kusht për votimin përfundimtar të Kosovës në Këshillin e Evropës?

“Ne kemi kushtëzimin, që çdo ditë po kushtëzohemi se ne nuk do të jemi pjesë KiE, nëse nuk dërgohet asociacioni në Gjykatën Kushtetetuese”, u shpreh Arifi në RTVD.

Profesori nga SHBA, Daniel Serwer, thotë se SHBA-ja mund t’i ketë premtuar Beogradit, themelimin e Asociacionit, e cila ndërlidhet me votimin e 18 prillit e Asamblesë Parlamentare në të cilën Kosova bëhet pjesë e Këshillit të Evropës.

“Kam frikë se amerikanët i kanë premtuar Asociacionin, Beogradit dhe nuk duan të bien në ‘shpatat’ e tyre. SHBA nuk është pjesë e Këshillit të Evropës, por ndikimi i saj do të jetë i fortë në disa prej shteteve evropiane, përfshirë Francën”, shkroi ai në platformën X.

Lexo po ashtu Gënjeshtra e Vuçiqit, i thotë Macronit se Kosova s'ka bërë asgjë për përparimin e dialogut

Për kundërshtimet dhe deklarimet e presidentit serb, Serwer thotë se Vuçiq duke u paraqitur si viktimë, synon ta bindë perëndimin për çështjen e Asociacionit.

E kjo u dëshmua gjatë takimit të Vuçiqit me presidentin francez, Emmanuel Macron.

Vuçiq tha se Serbia ka përmbushur “tri gjëra” nga marrëveshja e arritur për normalizimin dhe theksoi se një parakusht kyç ishte formimi i Asociacionit të Komunave me Shumicë Serbe në Kosovë – një hapat që, sipas tij, Kosova ende nuk e ka përmbushur.

Presidenti serb genjeu duke thënë se “Kosova po kryen shpronësimin në veri, dhe asnjë hetim nuk është ndërmarrë për plagosjet e serbëve në Kosovë”./Telegrafi/