E dëshiron te Real Madridi, por Mbappe duket se nuk do të ribashkohet me shokun e tij të ngushtë në Bernabeu

Sipas El Nacional, presidenti i Paris Saint-Germain, Nasser Al-Khelaifi nuk është i gatshëm të shesë Achraf Hakimin te Real Madridi dhe nuk do të angazhohet në bisedime me gjigantët spanjollë.

Los Blancos thuhet se e shohin mbrojtësin e djathtë si shtesën perfekte në linjën e tyre mbrojtëse.

Sipas Le Parisien, PSG planifikon t’i ofrojë një kontratë të re Achraf Hakimit, e cila do ta shohë mbrojtësin 25-vjeçar të rritet paga, në mënyrë që ta bindë atë të qëndrojë. Kontrata aktuale e Hakimit me gjigantët francezë skadon në verën e vitit 2026.

Lexo po ashtu Lojtarin që e do Barcelona, Jorge Mendes ia ofron Real Madridit

Mbrojtësi 25-vjeçar është paraqitur në 30 ndeshje në të gjitha garat këtë sezon, duke regjistruar katër gola dhe pesë asistime. PSG është në krye të renditjes së Ligue 1 dhe do të përballet me Barcelonën në çerekfinalet e Ligës së Kampionëve.

Achraf Hakimi erdhi nga radhët e të rinjve të Real Madridit, por luajti vetëm 17 ndeshje për ekipin e tyre të parë përpara se të dërgohej në huazim te Borussia Dortmund. Pas një huazimi dy-vjeçar në gjigantët e Bundesligës, ai u nënshkrua nga Interi në verën e vitit 2020.

Tani, Los Blancos duan ta rikthejnë atë dhe të forcojnë pozicionin e tyre të mbrojtësit të djathtë. Dani Caravajal dhe Lucas Vazquez, të dy 32 vjeç, janë opsionet aktuale të klubit në këtë pozicion. /Telegrafi/