Çfarë dihet deri më tani nga tërmeti që goditi New Yorkun

Njujorkezët janë mësuar me motin e egër dhe stuhitë e mëdha, por nuk janë aq të mësuar me tërmetet.

New Yorku u trondit sot nga një tërmet i rrallë me magnitudë 4.8 ballësh të Rihterit, raporton bbc.

Lexo po ashtu Tërmeti më i madh në zonën e New Jorkut në 40 vjet - publikohet momenti kur dridhet ndërtesa e OKB-së

Ai u ndje nga miliona në bregun lindor, duke përfshirë qytetet kryesore të afërta si Bostoni, Baltimore dhe Philadelphia.

Çfarë duhet të dihet deri më tani

Epiqendra e tërmetit ishte në Liban, New Jersey, sipas Shërbimit Gjeologjik të SHBA-së, rreth 64 kilometra nga qyteti i New Yorkut;

Banorët kanë përshkruar shtëpitë e tyre duke u dridhur dhe mobiliet duke u lëkundur gjatë tërmetit;

Lexo po ashtu Si kurrë më parë, filmohet momenti kur Statuja e Lirisë luhatet nga tërmeti që e goditi New Yorkun

Në një konferencë, guvernatorja e New Yorkut, Kathy Hochul tha se “asnjë situatë kërcënuese për jetën” nuk ishte raportuar dhe paralajmëroi njerëzit që të përgatiteshin për pasgoditje të mundshme;

Presidenti amerikan, Joe Biden thotë se gjithçka është nën kontroll;

Ngjarja jashtëzakonisht e madhe sizmike mbylli trafikun ajror në aeroportet kryesore në veri-lindje të SHBA – por fluturimet tani kanë rifilluar;

Ka raportime për çarje në trotuare dhe rrugë, por nuk janë raportuar dëme të përhapura dhe shkollave njujorkeze u është thënë të funksionojnë normalisht;

Është tërmeti më i fuqishmi në zonë në 40 vjetët e fundit. /Telegrafi/