Mirëpret vendimin për Manastirin e Deçanit, Von Cramon: Sundimi i ligjit, thelbësor për një shoqëri evropiane

Raportuesja e Parlamentit Evropian për Kosovën, Viola von Cramon, ka mirëpritur vendimin e Qeverisë së Kosovës për Manastirin e Deçanit.

Von Cramon në një postim në rrjetin social X, ka thënë se sundimi i ligjit është thelbësor për një shoqëri evropiane funksionale.

“Unë kam kërkuar vazhdimisht të gjitha qeveritë e Kosovës në 4-5 vjetët e fundit që të veprojnë për këtë pasi është një hap i domosdoshëm në lidhje me sundimin e ligjit në Kosovë”, ka shkruar Viola von Cramon, transmeton Telegrafi.

I welcome the decision to finally implement the CC rulling on @DecaniMonastery.

The rule of law is fundamental to a functioning European society.

I have been repeatedly asking all Kosovo govts in last 4,5 years to act on this as it is a necessary step regarding #RoL in ??. pic.twitter.com/ZKJyvNhPMR

— Viola von Cramon ?????? (@ViolavonCramon) March 13, 2024

Kryeministri Albin Kurti ka deklaruar se i kanë kërkuar Agjencisë Kadastrale të Kosovës që ta zbatojë vendimin e Gjykatës Kushtetuese lidhur me tokën rreth Manastirit të Deçanit. Kurti ka thënë se këtë vendim e ka marrë për ta hequr si kusht për pranimin e Kosovës në Këshill të Evropës.

Lexo po ashtu Qeveria i kërkon Agjencisë Kadastrale të Kosovës zbatimin e vendimit të Kushtetueses për Manastirin e Deçanit

Në mbledhjen e qeverisë sot, Kurti ka thënë se Qeveria e Kosovës ka qenë para dy opsioneve, të zbatojë vendimin e Gjykatës Kushtetuese e të mundësohet ecja tutje me qëllim anëtarësimin në Këshillin e Evropës këtë vit, ose heqja e çështjes së Kosovës nga agjenda e anëtarësimit. Sipas Kurtit, vendimi është marrë “duke u prirë nga arsyeja e shëndoshë”. /Telegrafi/