Barcelona ka zhvilluar bisedime ‘shumë pozitive’ me kandidatin numër një për të zëvendësuar Xavin

Barcelona ka zhvilluar biesdime ‘shumë pozitive’ me kandidatin numër një për të zëvendësuar Xavin si trajner sezonin e ardhshëm, sipas një raporti të ri.

Ish-mesfushori legjendar tashmë ka njoftuar se do të jap dorëheqje nga pozita e tij me të përfunduar sezoni 2023/2024.

Një numër i madh i trajnerëve është lidhur me një kalim tek Barcelona, duke përfshirë emra si Roberto De Zerbi, Jose Mourinho dhe Thomas Tuchel, i cili po ashtu do të largohet nga Bayerni në fund të sezonit.

Por, kandidati kryesor për të pasuar Xavin në stol sipas raportimeve është Hansi Flick, i cili ka qenë i papunë që prej largimit nga Gjermania në shtator, pas një kampanjë zhgënjyese në Kupën e Botës 2022.

Sipas gazetarit Adrian Sanchez, bisedimet mes Barcelonës dhe Flick, i cili fitoi Ligën e Kampionëve me Bayernin në 2020, kanë qenë ‘mjaft pozitive’.

Është thënë se blaugranasit e shohin teknikun gjerman si një kandidat të fortë, pasi ai nuk ka shfaqur ndonjë hije dyshimi mbi ekipin.

Para se të merrte rolin e trajnerit tek Bayerni, Flick ka shërbyer si asistent i Niko Kovac në fillim të sezonit 2019/2020. Ai gjithashtu ka kaluar tetë vite si asistent i Joachim Low tek kombëtarja e Gjermanisë mes 2006 dhe 2014, sidoqoftë 59-vjeçari nuk ia doli të përsërisë suksesin e Low kur e morri drejtimin e kombëtares./Telegrafi/