Miliarda euro më shumë për Ukrainën – por çfarë nënkuptojnë shifrat?

Anëtarët e Bashkimit Evropian kanë miratuar një paketë ndihme prej 50 miliardë eurosh për Ukrainën – por sa e rëndësishme është ajo?

Titujt e lajmeve shpesh bëhen për shkak të shumave të mëdha të parave që premtohen, por këtu do t’ia hedhim një vështrim më të detajuar rreth gjendjes financiare të Ukrainës.

Mbështetësit kryesorë

Dy lojtarët kryesorë janë BE-ja dhe SHBA. Sipas Institutit të Kielit për Ekonominë Botërore, që nga dhjetori, BE-ja kishte ndarë 133 miliardë euro mbështetje për ukrainasit ndërsa ndiqet prej SHBA-së me 71 miliardë euro.

Lexo po ashtu Si e ‘mbështetën për muri’ Orbanin për ta votuar ndihmën prej 50 miliardë euroshe për Ukrainën

Pjesa tjetër e botës dhuroi pak më pak se 37 miliardë euro, raporton skynews.

Pjesa më e madhe e ndihmës së dhuruar nga SHBA-ja është mbështetje ushtarake, ndërsa BE-ja ka mbështetur financat e Ukrainës.

Shpenzimet e Ukrainës

Një ditë e vetme luftimesh kushton rreth 125 milionë euro, tha ministri ukrainas i financave, Serhiy Marchenko.

Nuk është çudi, pra, që Ukraina shpenzon pothuajse të gjitha të ardhurat e saj të brendshme në sektorin e mbrojtjes dhe ushtrisë, por kjo do të thotë se ajo ka nevojë për injeksione masive të mbështetjes financiare për të disbursuar pagesat sociale, pagat dhe pensionet.

Qeveria pret një deficit buxhetor prej rreth 40 miliardë eurosh këtë vit ndërsa shpreson t’i marrë 38 miliardë euro ndihmë ndërkombëtare për të mbuluar humbjet, transmeton Telegrafi.

Ndihma e BE-së

Kievi shpreson të shohë 18 miliardë euro duke ardhur nga “Lehtësia e BE-së për Ukrainën”: Paketa e mbështetjes prej 50 miliardë eurosh e rënë dakord sot, e cila do të dorëzohet deri në vitin 2027.

Po në lidhje me ndihmën amerikane?

Kievi po kërkon 7.8 miliardë euro për ta lehtësuar deficitin buxhetor, tha ligjvënësi i lartë Yaroslav Zheleznyak.

Presidenti amerikan, Joe Biden i kërkoi Kongresit amerikan gati 97 miliardë euro për të financuar planet për sigurinë kufitare të Ukrainës, Izraelit dhe SHBA-së, por republikanët që kontrollojnë Dhomën e Përfaqësuesve e hodhën poshtë paketën në muajin tetor.

Lexo po ashtu ISW analizon deklaratat e Putinit për "zonën e çmilitarizuar"

Një votim do të zhvillohet javën e ardhshme në Senat pasi u zhvilluan bisedime të mëtejshme për financimin për këto tre fusha.

Pjesa tjetër e botës

Ukraina shpreson të marrë 5 miliardë euro kredi këtë vit nga Fondi Monetar Ndërkombëtar, por këto janë të lidhura me disa reforma nga ana e Ukrainës.

Ukraina 1.4 miliard euro të tjera pret t’i merr nga institucione e tjera financiare ndërkombëtare, përfshirë Bankën Botërore.

Paketa mbështetëse financiare parashikohen të japin edhe Britania e Madhe dhe Japonia gjersa po zhvillohen bisedime me Kanadanë, Norvegjinë dhe Korenë e Jugut. /Telegrafi/