Ministria e Financave e Francës kontrollohet nga autoritetet për një skandal rreth transferimit më të madh në historinë e futbollit

Në vitin 2017, futbollisti brazilian Neymar Jr bëri një transferim nga Barcelona te Paris Saint Germain për 222 milionë euro, që është ende një kompensim rekord në historinë e futbollit.

Megjithatë, hetimet për këtë transferim vazhdojnë edhe sot, ndërsa mediat nga Franca raportojnë se Ministria e Financave e Francës është kontrolluar në fillim të javës për një skandal të mundshëm të madh.

Transferimi ishte i diskutueshëm që në fillim, me disa që akuzuan PSG-në për përdorimin e ndihmës shtetërore për të përballuar pagën e Neymarit. Qeveria franceze i mohoi këto akuza, por hetimi vazhdoi.

? ????????: The French Ministry of Finance was raided on Monday as part of the investigation into the transfer of Neymar from Barcelona to PSG, which amounted to €222M in 2017. ???

The operations were carried out by the Central Office for the Fight against… pic.twitter.com/BtgnelFVhv

— Transfer News Live (@DeadlineDayLive) January 18, 2024

Kontrolli i ministrisë u krye nga Zyra e Përgjithshme për Ndalimin e Korrupsionit dhe Mashtrimit Tatimor në Francë dhe zyrtarët e saj kërkuan prova të detajeve të diskutueshme të transferimit dhe përfshirjes së shtetit.

Kërkimet thuhet se u përqendruan në pretendimet se PSG mori lehtësime tatimore nga qeveria franceze për të financuar transferimin e Neymar. Dyshohet edhe për evazion fiskal.

Lexo po ashtu Me 200 milionë euro në xhep duke luajtur vetëm tri ndeshje- Neymar i dëmtuar rëndë, por po përjeton festa të çmendura

Kujtojmë se Neymar u largua nga PSG në verën e vitit 2023 pasi u transferua në klubin nga Superliga e Arabisë Saudite, Al-Hilal.

Atje, ai luajti vetëm tre ndeshje në kampionatin e Arabisë Saudite para se të pësonte një dëmtim nga i cili është ende duke u rikuperuar. Por kjo nuk e pengon që të organizojë festa të ndryshme luksoze dhe të kalojë çmendurisht. /Telegrafi/